މާކަންޓައިލް އޮފީސް/ކޮމްޕެނީ ވޮލީބޯލް ޗެމްޕިއަންޝިޕް 2024 މުބާރާތް ކުޅެން ހަމަޖައްސާފައިވަނީ ހުޅުމާލޭ، އެޗްޑީސީ ޕާކް ވޮލީ ކޯޓުގަ އެވެ. މުބާރާތް އޮންނާނީ މި މަހު 10-17 އަށެވެ. މިދިޔަ އަހަރު، ހުޅުމާލޭ ޕާކް ވޮލީ ކޯޓުގައި ގްރޫޕް ސްޓޭޖުގެ މެޗުތައް ކުޅުމަށް ފަހު، ސެމީ ފައިނަލާއި ފައިނަލް ކުޅުނީ ސޯޝަލް އިންޑޯގަ އެވެ. އިންޑޯ އަށް ބަދަލުކުރީ ވިއްސާރައިގެ ސަބަބުން ސެމީ މެޗުތައް ފަސްކުރަން ޖެހުމުންނެވެ.
މިދިޔަ އަހަރު، އޮފީސް/ކޮމްޕެނީ ވޮލީ މުބާރާތް ބާއްވާފައިވަނީ، ހަތަރު އަހަރުގެ މެދުކެނޑުމަކަށް ފަހު އެވެ. މިދިޔަ އަހަރު ތަށި ހޯދީ ކްލަބް އާބަންކޯ (މިހާރު އެޗްޑީސީ) އިންނެވެ. އެއީ، ކުޅުނު ހުރިހާ މެޗަކުން މޮޅުވެގެންނެވެ. ފައިނަލުގައި އެ ޓީމުން ވަނީ ވެމްކޯ އަތުން ސީދާ ތިން ސެޓުން މޮޅުވެފަ އެވެ.
މި ފަހަރުގެ މުބާރާތުގައި ވާދަކުރާ ޓީމްތައް
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)
ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ)
ޕޮލިސް ކޯޕަރޭޓިވް ސޮސައިޓީ (ޕޮލްކޯ)
ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އެވެ.
