މި އަހަރުގެ މަސް ރޭސް ޖުމްލަ ތިން ރަށެއްގައި ކުރިއަށްގެންދިއުމަށް ނިންމާފައިވާއިރު، އެއްވަނަ ޓީމަކަށް 25،000 ރުފިޔާ އިނާމެއް ދިނުމަށް އުރީދޫން ވަނީ ނިންމާފަ އެވެ.
މި ހަރަކާތް މިއަދު މެންދުރު ފަހު، ހިންމަފުށީގައި ފައްޓަވައިދެއްވީ އުރީދޫގެ ސީއީއޯ ހާލިދު އަލް ހަމާދީ އެވެ.
ހިންމަފުށީގެ އިތުރުން ޅ. ނައިފަރާއި ތިނަދޫ ސިޓީގައި މަސް ރޭސް ބާއްވާނެ އެވެ. ނައިފަރުގައި މުބާރާތް އޮންނާނީ މި މަހުގެ 16 ވަނަ ދުވަހު އެވެ. އަދި ތިނަދޫގައި 23 ވަނަ ދުވަހު އެވެ.
ރާއްޖޭގައި ބާއްވާ އެންމެ ބޮޑު އަދި ފޯރިގަދަ މަސްވެރިކަމުގެ މުބާރާތުގެ ގޮތުގައި ކުރިއަށް ގެންދާ އުރީދޫ މަސްރޭހަކީ މަސްވެރިކަމުގެ އުފާވެރިކަމުގެ ތެރެއިން އެއްބައިވަންތަކަމުގެ ރޫހު އާލާކުރުވާ، ރައްޔިތުންގެ މެދުގައި މަގުބޫލު ހަރަކާތެކެވެ.
މަސްރޭހުގެ އިނާމުގެ ގޮތުގައި ޖުމްލަ 126،000 ރުފިޔާގެ އިނާމު ކަނޑައަޅާފައިވެ އެވެެ.
1 ވަނަ ޓީމް: 25،000ރ
2 ވަނަ ޓީމު: 10،000ރ
3 ވަނަ ޓީމު: 5000ރ
އެންމެ މޮޅު ފިރިހެން މަސްވެރިޔާ: 1،000ރ
އެންމެ މޮޅު އަންހެން މަސްވެރިޔާ:1،000ރ
