މި ދިރާސާ ހެދުމުގެ އެއްބަސްވުމުގައި މާލޭ ސިޓީ ކައުންސިލާއި އައިޔޫއެމުން މިއަދީ ވަނީ ސޮއިކޮށްފައެވެ. މި އެއްބަސްވުމުގެ ދަށުން މި ސާވޭގެ މަސައްކަތް 120 ދުވަހުގެ ތެރޭގައި ނިންމާ ސިޓީ ކައުންސިލާއި ހަވާލުކުރަން ޖެހެއެވެ. އެއްބަސްވުމުގެ އަގަކީ 625،700 ރުފިޔާއެވެ.
މި ސާވޭ ކޮށްދޭނެ ބަޔަކު ހޯދުމަށް ސިޓީ ކައުންސިލުން ހުޅުވާލުމުން އެކަމަށް ކުރިމަތިލާފައިވަނީވެސް ހަމައެކަނި އިސްލާމިކް ޔުނިވާސިޓީންނެވެ.
ވެހިކަލްގެ އަދަދު ކަނޑައަޅާ ދިރާސާގެ އެއްބަސްވުމުގައި މާލޭ ސިޓީ ކައުންސިލާއި އިސްލާމިކް ޔުނިވާސިޓީން ސޮއިކުރުމުގެ ތެރެއިން
މި ސާވޭގައި މާލޭ ސިޓީގައި އެއްގަމު އުޅަނދު ރަޖިސްޓްރީ ކޮށްދެވޭނެ އެންމެ ގިނަ އަދަދު އަދި އެކި ބާވަތްތަކުގައި އުޅަނދުތަކުގެ އަދަދު ވަކިވަކިން ކަނޑައަޅަންޖެހެއެވެ.
މީގެ އިތުރުން މާލޭގައި އެއްގަމު އުޅަނދު ދުއްވޭނެ އެންމެ ދިގު މުއްދަތާއި ވަކިވަކި ފަރުންދުންނާއި ކުންފުނިތަކާއި ދައުލަތުގެ އިދާރާތަކުގެ ނަމުގައި ރަޖިސްޓްރީކުރެވޭނެ އެންމެ ގިނަ އަދަދު އުޅަނދު ވަކިވަކިން އެގެންޖެހޭނެކަމަށްވެސް ސިޓީ ކައުންސިލުން ވަނީ ބުނެފައެވެ.
