ވެމްކޯއިން ބުނީ، ރާއްޖެއަށް ކުރަމުންދާ ވިއްސާރައާއި ގުޅިގެން ދިމާވަމުންދާ ދަތިތަކާއިއެކު އެކުންފުނިން ފޯރުކޮށްދެމުންދާ ހިދުމަތްތަކަށް ބުރޫ ނާރާނެހެން ހިދުމަތް ދިނުމަށް މަަސައްކަތް ކުރަމުން އަންނަ ކަމަށެވެ. މި ހާލަތުގައި ގޭބިސީތަކާއި ވިޔަފާރިތަކުން ކުނި ނެރުމުގައި ހާއްސަ ސަމާލުކަމެއް ދެއްވުމަށް ވެމްކޯއިން ވަނީ އެދިފައެވެ.
ވެމްކޯއިން ވަނީ ކުނި ނެރުމަށް ކަނޑައެޅިފައިވާ ގަޑިތަކުގައި ފަސޭހައިން ކުނި ނެގޭނެ ގޮތަށް ބެހެއްޓުމަަށް އެދިފައެވެ. އަދި މަގުމައްޗަށް ކުނި ނުނެރުމަށްވެސް ވަނީ އިލްތިމާސްކޮށްފައެވެ.
ވެމްކޯއިން ބުނީ ކުނި ނުނެގި ހުރިނަމަ، އެކޯޕަރޭޝަންގެ ހޮޓްލައި 1666 އަށް ގުޅައި އެކަން ރިޕޯޓް ކުރުމުން ކުނި ނެގުމުގެ އިންތިޒާމުތައް ހަމަޖައްސާނެކަމަށެވެ.
މިހާރު މުޅި ރާއްޖެއަށް ކުރަމުންދާ ވިއްސާރާގައި މާލެެއަށް މިއަދު ވެހުނު ވާރޭގައި މާލޭގެ މަގުތަކުގައި ފެންބޮޑުވެ ފެން ހިއްކުމުގެ މަސައްކަތް ފުލުހުންނާއި ސިފައިންނާއި ކަމާއި ގުޅޭ އިދާރާތައް ގުޅިގެން އަންނަނީ ކުރަމުންނެވެ.
