ގާޒާ ސަރުކާރުގެ މީޑިއާ އޮފީހުން ބުނީ އިޒްރޭލުގެ ހަމަލާތަކުގައި ޝަހީދުވި މީހުންގެ ތެރޭގައި 10000 ކުޑަކުދިންނާއި 10200 އަންހެނުން ހިމެނޭ ކަމަށެވެ. އަދި އޭގެތެރޭގައި 100 ނޫސްވެރިންނާއި 610 ސިއްހީ ހިދުމަތްތެރިން ވެސް ހިމެނޭ ކަމަށް އެ އޮފީހުން ބުނެފައިވެ އެވެ.
ގާޒާގައި ހަރަކާތްތެރިވަމުން އަންނަ އޮފިޝަލުން ބުނާ ގޮތުގައި ހަމަލާގައި މަރުވި މީހުން އަދަދު އިތުރުވާނެ ކަމަށް ވަނީ ލަފާކޮށްފަ އެވެ.
އިޒްރޭލުން ގާޒާގައި ހިންގަމުންދާ ގަތުލްއާންމުގައި މިހާތަނަށް 41،000 އާ ގާތްކުރާ އަދަދަށް މީހުން ވަނީ މަރުވެފަ އެވެ. އޭގެ ތެރޭގައި ގިނައީ ކުށެއްނެތް ކުޑަކުދިންނާއި އަންހެނުންނެވެ.
އިސްރާއީލުން ގާޒާއަށް ދެމުން އަންނަ ހަމަލާތަކުގައި ފާއިތުވި 24 ގަޑިއިރު، ގާޒާއިން އިތުރު 100 މީހުން ޝަހީދުކޮށްލާފައިވާ ކަމަށް ގާޒާގެ ހެލްތް މިނިސްޓްރީން ބުނެފިއެވެ.
ގާޒާގައި ހުންނަވާ އަލްޖަޒީރާގެ މުރާސިލު އަނަސުއްޝަރީފު ބުނި ގޮތުގައި އިސްރާއީލުގެ ފައިޓާ ޖެޓްތަކުން ސްކޫލަށް ހަމަލާދިނީ އެއް ބަޔަކު ފަތިސްނަމާދު ޖަމާއަތުގައި ކުރަން ތިއްބައެވެ. އޭރު އެއް ބަޔަކު ޖަމާއަތުގައި ފަތިސްނަމާދު ވަނީ ކޮށްފައެވެ.
ޝަހީދުކޮށްލި މީހުންނާއި ޒަޚަމްކޮށްލި މީހުންގެ ތެރޭގައި ގިނައީ ޖަމާއަތުގައި ނަމާދުކުރަން ތިބި މީހުން ކަމަށްވެއެވެ. މިއީ އައްތާބިއީން ނަމަކަށް ކިޔާ ސްކޫލެކެވެ. މި ސްކޫލަކީ ރައްކާތެރި އަދި ހަމަލާ ނުދޭނެ ތަނެއްގެ ގޮތުގައި އިސްރާއީލުން ކަނޑައަޅައި އެކަން އދ. އަށް އަންގާފައިވާ ތަންތަނުގެ ތެރޭގައި ހިމެނޭ ތަނެކެވެ.
އިޒްރޭލުން ގާޒާއަށް ދޭ ހަމަލާތަކުގައި ގިނައިން ޝަހީދުވަނީ ކުށެއްނެތް ކުޑަކުދިން
އިސްރާއީލުގެ މި ޖަރީމާތަކާއި ގަތުލުއާންމުތަކަކީ ސީދާ ގާޒާގެ ރައްޔިތުންގެ ނަސްލު ނައްތާލުމަށް ހިންގާ ގަތުލުއާންމުތަކެއްކަން އދ. ގެ ބައެއް މަސްއޫލުވެރިން ވެސް ވަނީ ފާހަގަކުރައްވާފަ އެވެ. ނަމަވެސް، މި ޖަރީމާތައް ހިންގާ އިސްރާއީލުގެ ވެރިން ހައްޔަރުކުރުމުގެ އަމުރެއް ނެރުމަށް ބައިނަލްއަގުވާމީ ޖިނާއީ ކޯޓުގެ ފަނޑިޔާރުންވަނީ ފަސްޖެހިފަ އެވެ.
ހަމަލާތައް މެދުކަނޑާލުމަށް އެއްބަސްވުމަކަށް ގެނައުމަށް މެދުއިރުމަތީ ގައުމުތަކުގެ އިތުރުން އެހެން ގައުމުތަކުން އަންނަނީ މަސައްކަތް ކުރަމުންނެވެ. ނަމަވެސް މިހާތަނަށް އެފަދަ އެއްބަސްވުމަށް އާދެވިފައި ނުވެ އެވެ.
