މި ބަނދަރުތަކުގައި ޒަމާނީ ހުރިހާ ވަސީލަތްތަކެއް ހުންނާނެ ކަމަށް މެރިން ރިސޯސަސް މިނިސްޓަރު އަހުމަދު ޝިޔާމް ވިދާޅުވެއްޖެ އެވެ.
މިނިސްޓަރު ޝިޔާމް މިހެން ވިދާޅުވީ "ބުރުނު ބޮމަ" ސްޕޯޓްސް ފިޝިން މުބާރާތް އިފްތިތާހު ކުރެއްވުމަށްފަހު ދެއްކެވި ވާހަކަފުޅުގައެވެ. މިނިސްޓަރު ވިދާޅުވީ މި ބަނދަރުތަކުގައި މަސް ވިއްކޭނެ ގޮޅިތަކާއި، މުބާރާތްތައް ބޭއްވޭނެ އިދާރީ އޮފީސްތަކާއި، ރެސްޓޯރަންޓްތަކާއި، ކެފޭތަކާއި، މަސްވެރިކަމާ ގުޅޭ ތަކެތި ވިއްކާ ތަންތަނާއި، ބާބަކިޔު ހެދޭނެ އިންތިޒާމުތައް ހަމަޖެހިފައި ހުންނާނެ ކަމަށެވެ.
ރައީސުލްޖުމްހޫރިއްޔާގެ ވިސްނުންފުޅަކީ ރާއްޖޭގެ ސްޕޯޓްސް ފިޝިން ކޮމިއުނިޓީއަށް ހައްލުތަކެއް ހޯދައިދިނުމުގެ އިތުރުން، ބޭރުގެ ފަރާތްތަކަށް ވެސް މި ހިދުމަތް ފޯރުކޮށްދިނުން ކަމަށް މިނިސްޓަރު ޝިޔާމް ވިދާޅުވި އެވެ. އަދި މިހާރު ވަނީ މި ބަނދަރުތައް އަޅާނެ ފަސް ސަރަހައްދު ކަނޑައަޅައި ނިމިފައި ކަމަށް ވެސް އޭނާ ވިދާޅުވި އެވެ.
- ބަނދަރުތަކުގައި މަސް ވިއްކާ ގޮޅިތަކާއި، ރެސްޓޯރަންޓްތަކާއި، ކެފޭތައް ހުންނާނެ
- ބޭރުގެ ފަރާތްތަކަށް ވެސް މި ހިދުމަތް ފޯރުކޮށްދިނުމަށް ވަނީ ރޭވިފައި
- ބަނދަރުތައް އަޅާނެ ސަރަހައްދުތައް ވަނީ ކަނޑައަޅައި ނިމިފައި
