އެސްޑީޖީއާ ގުޅޭ ސެމިނާއެއްގައި އަބްދުއްރަހީމް ޗައިނާއަށް
މުހައްމަދު އާދަމް އަހްމަދު
18 އޯގަސްޓް 2024 - 09:17:25
އިންޓާ ރީޖަނަލް ސެމިނާ އޮން ދަ އެޗީވްމެންޓް އޮފް ދަ އެސްޑީޖީސް ފޯ ޕާލަމެންޓްސް އޮފް ޑެވެލޮޕިން ކަންޓްރީސް"ގައި ބައިވެރިވެވަޑައިގަތުމަށް، ރައްޔިތުންގެ މަޖިލީހުގެ ރައީސް އަބްދުއްރަޙީމް އަބްދުﷲ ޗައިނާއަށް ފުރާވަޑައިގެންފިއެވެ.
މި ސެމިނާ އޮންނާނީ މިމަހުގެ 19 އިން 28 ގެ ނިޔަލަށް ޗައިނާގެ ވެރިރަށް ބެއިޖިންގައެވެ. މި ސެމިނާގެ ތެރެއިން ޗައިނާގެ ގާނޫނު ހަދާ މަޖިލީހުގެ 40 ވަނަ އަހަރީ ދުވަސް ފާހަގަކުރުމަށްވެސް ވަނީ ހަމަޖެހިފައެވެ.
މަޖލީހުގެ ރައީސްގެ މި ދަތުރުގައި އެމަނިކުފާނާއި އެކު ވިލިމާލޭ ދާއިރާގެ މެންބަރު މުހައްމަދު އިސްމާއީލް، ބާރަށު ދާއިރާގެ މެންބަރު އިބްރާހިމް ޝުޖާއު، އަދި ހުޅުދޫ ދާއިރާގެ މެންބަރު މުހައްމަދު ޝާހިދު ބައިވެރިވެވަޑައިގަންނަވައެވެ.
މިއީ މަޖިލީހުގެ ރައީސްގެ ހައިސިއްޔަތުން އަބްދުއްރަހީމް މިފަދަ ސެމިނާރެއްގައި ބައިވެރިވަޑައިގަންނަވާ ފުރަތަމަ ފަހަރެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް