ދިވެހިރާއްޖޭގެ އެކްސްޕޯޓް އިމްޕޯޓު ގާނޫނުގެ ދަށުން އިމްޕޯޓް ޑިއުޓީ މައާފުކުރާ ތަކެތީގެތެރޭގައި ސަލާމަތީ ހިދުމަތްތަކުން ބޭނުންކުރުމަށް ރާއްޖެ އެތެރެކުރާ ތަކެތި ހިމަނާފައިވަނީ ހާއްސަ ހާލަތްތަކުގައި ގެނެވޭ ތަކެތީގެ ޑިއުޓީ މައާފްކުރުމުގެ އުސޫލުގެ ދަށުންނެވެ.
ރައީސް އޮފީހުން ބުނީ، މިއުސޫލަށް އަމަލުކުރަން ފަށާނީ ގެޒެޓުގައި މިއުސޫލު ޝާއިރުކުރާ ތާރީހުން ފެށިގެން ކަމަށެވެ. މި އިސްލާހު މިހާރުވަނީ ގެޒެޓުގައި ޝާއިއުކޮށްފަ އެވެ.
މޯލްޑިވްސް ކަސްޓަމްސް ސާވިސްއިން ބުނީ، ސަލާމަތީ ހިދުމަތަށް ބޭނުންކުރުމަށް ރާއްޖެ އެތެރެކުރާ ތަކެތިން މީގެކުރިންވެސް ޑިއުޓީ މައާފްކޮށްދެމުންދާ ކަމަށާއި، ނަމަވެސް ޑިއުޓީ މާފުކޮށްދެމުން އައިސްފައިވަނީ ހޯމް މިނިސްޓްރީއިންނާއި ޑިފެންސް މިނިސްޓްރީން އެކަމަށް އެދި ލިޔުމުން ފޮނުވުމުން ކަމަށެވެ.
މިހާރު ގާނޫނަށް ގެނައި އިސްލާހާއެކު މިފަދަ ތަކެތިން ޑިިއުޓީ މައާފުކުރުމުގެ މަސައްކަތް ފަސޭހަވާނެ ކަމަށް ކަސްޓަމްސް އިންބުނެ އެވެ.
