އެޗްޑީސީއިން އޮފީސް/ކޮމްޕެނީ ވޮލީބޯޅަ މުބާރާތުގެ ތަށި ދިފާއު ކުރީ ފޯރިގަދަ ކުޅުމަކަށް ފަހު މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ބަލިކޮށްގެންނެވެ. އެމްއެންޑީއެފް އަތުން އެޗްޑީސީ މޮޅުވީ 3-2 ސެޓުންނެވެ.
ފައިނަލް މެޗުގެ މޮޅު ކުޅުންތެރިއަކީ، މުބާރާތުގެ ވެސް މޮޅު ކުޅުންތެރިޔާގެ މަގާމު ލިބުނު، އެޗްޑީސީގެ އިސްމާއިލް ސާޖިދު (ކުޑަކާއްޓެ) އެވެ. ބެސްޓް އައުޓްސައިޑް އެޓޭކަރުންނަކީ، އެޗްޑީސީގެ ކުޑަކާއްޓެ އާއި ވެމްކޯގެ އަލީ ހުޒާމް (ހުޒަންޓެ) އެވެ. ބެސްޓް ސެޓަރަކީ، އެޗްޑީސީގެ އަލީ ނިމާލްއެވެ. މިޑްލް ބްލޮކަރުންނަކީ އެމްއެންޑީއެފްގެ ހުސެއިން ޔޫސުފް (ޓޯއި) އާއި އެޗްޑީސީގެ މުހައްމަދު އަހުސަން އެވެ. އޮޕޮސިޓް ކުޅުންތެރިއަކަށް، އެމްއެންޑީއެފްގެ ހުސައިން ރަޒާންއެވެ. އަދި ލިބަރޯ އަކީ، ޕޮލްކޯގެ މުހައްމަދު ނައީމް އެވެ. އެންމެ މޮޅު ކޯޗަކީ، އެޗްޑީސީގެ ކޯޗު، ހުސެއިން ޝަރީފް (ނަލަ ހުސެން) އެވެ.
