ކުރީގެ ކުޅިވަރު މިނިސްޓަރު މަހްލޫފު، ބައްސާމްއާއެކު
ބައްސާމްއާއި އޭނާގެ ޓީމަށް ފިޔަވަޅު އަޅަން ޖެހޭނެ
ސްޕޯޓްސް ޓީމް
20 އޯގަސްޓް 2024 - 21:27:11
ފުޓްބޯލް އެސޯސިއޭޝަން އޮފް މޯލްޑިވްސް ހިންގަންތިބި ވެރިން ވެފައިވާ އިހުމާލުތައް ބަލާ ފިޔަވަޅު އެޅެންވާނެ ކަމަށް، އެފްއޭއެމްގެ ކުރީގެ ރައީސް އަދި ކުރީގެ އެއްވަނަ ފޯވާޑު އަހްމަދު ތޯރިގު ވިދާޅުވެއެއްޖެއެވެ.
Advertisement
އެފްއޭއެމްގެ ކަންތައް ބޮއްސުންލައިގެން ގޮސް، މުޅިތަން ހުއްޓިފައިވަނިކޮށް، ފީފާއިންވަނީ އެފްއޭއެމްގެ ރައީސް ބައްސާމް އަދީލް ޖަލީލް ސަސްޕެންޑްކޮށް، އަދި އެފްއޭއެމް ހިންގުން ނޯމަލައިޒޭޝަން ކޮމިޓީއަކާ ހަވާލުކޮށްފައެވެ.
ކަން މިހެން އޮއްވައި، އެފްއޭއެމްގެ ރައީސްކަން ކުރައްވައި، އަދި އެންމެ ފަހުން އޮތް އިންތިހާބުގައިވެސް ވާދަކުރައްވަން މަސައްކަތް ކުރެއްވި ޓޮމްވަނީ، ސޯޝަލް މީޑިއާގައި އޭނާގެ އުދާސްތައް މިރޭ ބަންޑުން ކޮށްލައްވާފައެވެ.
"އެފްއޭއެމް ހިންގަންތިބި ވެރިން ވެފައިވާ އިހުމާލުތައް ބަލާ ފިޔަވަޅު އެޅެންވާނެ. މިއީ އެފްއޭއެމްގެ ހާލަތު، ދެރައީ އަދިވެސް އިންތިޚާބަކަށް އިއުލާން ކުރުމާއެކު ވާދަކުރަނީ ބައްސާމުއާއި އޭނާގެ އެކްސްކޯގައި ތިބި ފަރާތްތައް. ހިތާމައިގެ ކޮޅެއްނެތް". އެފްއޭއެމްގެ އޮފީސް އިމާރާތުގެ ފޮޓޯތަކެއް ހިއްސާ ކުރައްވަމުން ޓޮމް ވިދާޅުވިއެވެ.
އެފްއޭއެމްގެ ކަންތައް ބޮއްސުންލައިގެން ގޮސްފައިވާއިރު، އެ އިދާރާގެ ކުރީގެ ރައީސް ބައްސާމްގެ މައްޗަށް އަންނަނީ ޖިނާއީ ދައުވާއެއް އުފުލި ޝަރީއަތް ކުރަމުންނެވެ. ފީފާއިން އޭނާ ފުޓްބޯޅައިގެ ހުރިހާ ހަރަކާތަކުން ސަސްޕެންޑްކޮށްފައިވާއިރު، އޭނާގެ ޕާސްޕޯޓް ކޯޓުންވަނީ ހިފަހައްޓައިފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
