އަބްދުﷲ އަލް މުތައިރީ
ނޭޕާލު ސާފް ފައިނަލަށް ގެންގޮސްދިން ކޯޗު ލަންކާއަށް
ސްޕޯޓްސް ޓީމް
21 އޯގަސްޓް 2024 - 10:10:39
ސާފް ޗެމްޕިއަންޝިޕްގެ ފައިނަލަށް ނޭޕާލް ގެންގޮސްދިން ކޯޗު، ލަންކާގެ ގައުމީ ޓީމުގެ ވަގުތީ ކޯޗުކަމުގެ މަގާމަށް އައްޔަންކޮށްފިއެވެ.
Advertisement
2021 ވަނަ އަހަރު ރާއްޖޭގައި އޮތް ސާފް ޗެމްޕިއަންޝިޕްގެ ފައިނަލަށް ނޭޕާލް ގެންގޮސްދިން ކޯޗަކީ ކުވެއިތުގެ އަބްދުﷲ އަލް މުތައިރީއެވެ. މުތައިރީ ލަންކާއާ ހަވާލުވީ، އަންނަ މަހު ކެމްބޯޑިއާއާ ދެކޮޅަށް ލަންކާ އިން ކުޅޭ އޭޝިއަން ކަޕް ކޮލިފައިން ޕްލޭއޮފް ބުރުގެ މެޗުތަކަށެވެ.
މުތައިރީގެ އިރުޝާދުގެ ދަށުން ސެޕްޓެމްބަރު މަހު، ފަސް ވަނަ ދުވަހު ކޮލަމްބޯގައި ލަންކާ އިން ކެމްބޯޑިއާއާ ދެކޮޅަށް ކުޅޭނެ އެވެ. އަދި އޭގެ ފަސް ދުވަސް ފަހުން ކެމްބޯޑިއާގެ ހޯމް މެޗު އޮންނާނެ އެވެ. މި ދެ މެޗުގެ ނަތީޖާތައް ބަލާފައި، މުތައިރީ އަށް ދާއިމީ އެއްބަސްވުމެއް ދިނުމުގެ ފުރުސަތު އެބައޮތެވެ.
އޭއެފްސީ ޕްރޯ ލައިންސަންސް ކޯޗު، މުތައިރީ ވަނީ، ނޭޕާލް ފުރަތަމަ ފަހަރަށް ސާފްގެ ފައިނަލަށް ގެންގޮސްދީފައެވެ. އޭނާ ފަހުން އަފްގާނިސްތާނަށްވެސް ކޯޗުކޮށްދިނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
