މިފްކޯއަށް "ސީއީއޯ" އެއް ހޯދަން އަލުން އިއުލާންކުރަން ނިންމާފައިވާކަން ހާމަކުރީ މިއަދު ފިޝަރީޒް މިނިސްޓްރީން ކުރިއަށް ގެންދިޔަ ނޫސްވެރިންގެ ބައްދަލުވުމުގައި "ސީއެންއެމް" އިން ކުރި ސުވާލަކަށް ޖަވާބު ދެއްވަމުންނެވެ.
މިނިސްޓަރު އަހުމަދު ޝިޔާމް ވިދާޅުވީ މިފްކޯއަށް ސީއީއޯއެއް ހޯދަން ކުރެވުނު އިއުލާނަށް އެންމެ ރަނގަޅު ތަރުހީބެއް ނުލިބުނު ނަަމަވެސް މިވަގުތު އިތުރު އިއުލާނެއް މިހާރު އޮތީ ކުރަން ޖެހިފައި ކަަމަށެވެ.
މާލީ ހާލަތު ވަރަށް ދަށްކޮށް އޮތް މިފްކޯއަށް ސީއީއޯއެއް ހޯދުމަށް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް އިން އިއުލާން ކުރީ ޖޫން މަހުގެ 26 ވަނަ ދުވަހު އެވެ. ގާބިލް މީހަކު ކުރިމަތި ނުލާކަމަށް ބުނެ ޕީސީބީން މިފަހުން ވަނީ އިއުލާން ބާތިލް ކޮށްފައި އެވެ،
މިފްކޯގެ ސީއީއޯގެ މަގާމަށް ހޮވޭ ބޭފުޅެއްގެ ގާބިލްކަމަށް ބެލުމަށްފަހު 9،500 ޑޮލަރު (146،000 ރުފިޔާ) އާއި 12،000 ޑޮލަރު (185،000 ރުފިޔާ)އާ ދެމެދުގެ މުސާރައެއް ދިނުމަށް ޕީސީބީ އިން ވަނީ ނިންމާފަ އެވެ.
