ދިވެހި 20 އަހަރުން ދަށުގެ ޓީމު މުބާރާތުން ކެޓީ، މިއަދު އިންޑީޔާ އަތުން ބަލިވުމުންނެވެ. އިންޑީޔާ އަތުން ރާއްޖެ ބަލިވީ މެޗުގެ ފަހު މިނިޓުގައި އިންޑިޔާއިން ޖެހި ލަނޑާއެކުއެވެ.
ރާއްޖެވަނީ މި މުބާރާތުގައި ކުޅުނު ފުރަތަމަ މެޗުގައި ބޫޓާން އަތުން ބަލިވެފައެވެ. ބޫޓާން އަތުން ރާއްޖެ ބަލިވީ ދެ ލަނޑު އެއް ލަނޑުންނެވެ. މިއަދު އިންޑިޔާ އަތުން ބަލިވުމުން ދެ މެޗުންވެސް ރާއްޖެ ބަލިވީއެވެ. ތިން ޓީމު ހިމެނޭ މި ގްރޫޕުން އެއްވަނައަށް ދިޔައީ އިންޑިޔާއެވެ. އެއީ ހަ ޕޮއިންޓާއެކުއެވެ. ދެވަނައަށް ބޫޓާން ދިޔައީ ތިން ޕޮއިންޓް ހޯދައިގެންނެވެ.
ސާފް 20 އަހަރުން ދަށުގެ މުބާރާތުގެ ސެމީން ފުރުސަތު ހޯދާފައިވަނީ ނޭޕާލް، ބަންގްލަދޭޝް އަދި ބޫޓާން އާއި އިންޑިޔާއެވެ. މިއަދުގެ ނަތީޖާއާއެކު ސެމީގައި އިންޑިޔާއިން ކުޅޭނީ ބަންގްލަދޭޝްއާއެވެ. އަދި ބޫޓާން ކުޅޭނީ ނޭޕާލާއެވެ. ނޭޕާލް ގްރޫޕުގެ އެއްވަނަ އަކީ ނޭޕާލެވެ. ދެވަނަ އަކީ ބަންގްލަދޭޝްއެވެ.
މުބާރާތުން ކެޓީ ރާއްޖެއާއި އަވައްޓެރި ލަންކާއެވެ. ރާއްޖެ މުބާރާތުން ކެޓިއިރު، މާލެން ފުރުމުގެ ކުރިން ޓީމުން ބުނީ ޓީމުގެ ޓާގެޓަކީ ތަށި ކަމަށެވެ.
