ރައީސް އޮފީހުގައި ނޫސްވެރިންނާއި ބައްދަލުކުރައްވާ ވާހަކަ ދައްކަވަމުން މިނިސްޓަރު ސައީދު ވިދާޅުވީ މިއަހަރުގެ ކުރިއަށް އޮތް 4 މަހުވެސް ރާއްޖޭގެ އިގްތިސާދު ކުރި އަރާނެކަމަށެވެ.
އެގޮތުން މިއަހަރުގެ ބާކީ މިއޮތް ދުވަސްތަކުގެ ރާއްޖޭގެ އިގްތިސާދު 4.1 އިންސައްތަ ކުރި އަރާނެކަމަށް ސައީދު ވިދާޅުވިއެވެ. އަދި އަންނަ އަހަރުވެސް ރާއްޖޭގެ އިގްތިސާދު 6.1 އިންސައްތަ ކުރި އަރާނެކަމަށްވެސް ސައީދު ވިދާޅުވިއެވެ. މިނިސްޓަރު ސައީދު ވިދާޅުވީ ރާއްޖޭގެ އިގްތިސާދަށް އަންނަ ކުރިއެރުމަކީ މި ސަރަހައްދުގެ ގައުމުތަކާއި އަޅާ ބަލާއިރު ބޮޑު ކުރިއެރުމަކަށްވާނެކަމަށްވެސް ސައީދު ވިދާޅުވިއެވެ.
ސައީދު ވިދާޅުވީ ކުރިޔަށް އޮތް ތިން އަހަރުގެ ފިސްކަލް ރިޕޯޓްތައް މިހާރު ތައްޔާރުކޮށްފައިވާކަމަށާއި މީ ތާރީހުގައިވެސް ގިނަ މައުލޫމާތުތަކެއް ހިމަނާފައިވާ ރިޕޯޓްކަމަށެވެ، އަދި މި ރިޕޯޓް ވަރަށް އަވަހަށް އާއްމުކުރާނެކަމަށް ސައީދު ވިދާޅުވިއެވެ.
