ރާއްޖޭގެ އިގުތިސާދީ އަދި މާލީ ހާލަތާ ގުޅޭގޮތުން ހުރި ކަންބޮޑުވުންތައް ހިއްސާ ކުރުމަށް ޑިމޮކްރެޓްސްއިން މިއަދު ބޭއްވި ނޫސްވެރިންގެ ބައްދަލުވުމުގައި އިލްޔާަސް ވިދާޅުވީ މިދިޔަ އޭޕްރިލް މަހުން ފެށިގެން އެ ބޭންކުގެ ހުރި ކަންބޮޑުވުންތައް ސަރުކާރާއި ހިއްސާ ކުރަމުން ދިޔަކަމަށެވެ. އެގޮތުން އެ ބޭންކަށް ޑޮލަރު ނުލިބޭކަމަށް ދައްކަމުންދިޔަ ވާހަކަތަކަށް މަރުކަޒީ ބޭންކް އެމްއެމްއޭއިންނާއި ފިނޭންސް މިނިސްޓްރީން އަޅާނުލިކަމަށް އިލްޔާސް ވިދާޅުވިއެވެ.
އިލްޔާސް ވިދާޅުވީ ސަރުކާރުގެ އަމަލުތަކުން ފެންނަނީ ރައީސުލްޖުމްހޫރިއްޔާ ސަރުކާރުގެ ޑިޕާޓްމެންޓެއް ގޮތަށް އަމުރު ކުރައްވައިގެން ބޭންކް ހިންގަން އުޅޭ ތަންކަމަށްް އިލްޔާސް ވިދާޅުވި އެވެ.
އިލްޔާސް ވިދާޅުވީ ސަރުކާރުގެ ނިންމުންތަކުގެ ސަބަބުން ބޭންކަށް ރާއްޖެ އާއި ރާއްޖެއިން ބޭރުން ކުރާ އިތުބާރު ގެއްލެމުންދާކަމަށެވެ. އަދި ރާއްޖޭގެ ފައިނޭޝަލް ސެކްޓަރަށް އޮތް އިތުބާރު ގެއްލިގެން ވެއްޓިގެން ގޮސްފައިވާކަމަށް ވެސް އިލްޔާސް ވިދާޅުވި އެވެ.
ބީއެމްއެލްއިން އިއްޔެ ހެނދުނު ނިންމި ނިންމުމުގައި ބުނެފައިވަނީ ދޫކޮށްފައިވާ ޑެބިޓް ކާޑުގެ ޕްރައިމަރީ އެކައުންޓް ރުފިޔާ އެކައުންޓުގެ ގޮތުގައި ކަނޑައަޅާފައިވާ ނަމަ ރާއްޖޭން ބޭރުގެ މުއާމަލާތް ކުރުމަށް އެއްވެސް އަދަދެއް ނުލިބޭ ގޮތަށް ބަދަލުގެނެސްފައެވެ. އެހެން ނަމަވެސް އިރު އޮއްސެނިކޮށް އެ ނިންމުން ބަދަލުކޮށް ކުރިން އޮތްގޮތަށް އަމަލު ކުރާނެކަމަށް އެ ބޭނުންކުވަނީ ބުނެފައެވެ.
ބޭންކުގެ ނިންމުން ބަދަލު ކުރުމުން ސަރުކާރުންގެ ވަޒީރުން ބޭއްވި ނޫސްވެރިންގެ ބައްދަލުވުމުގައި އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ބީއެމްއެލުން އަމަލު ކުރީ ރައީސް ޑރ. މުއިއްޒު އަންގަވާފައިވާ ގޮތާ ހިލާފަށް ކަމަށެވެ.
