ރުކުމާ ފެނަކައިގެ ޑީއެމްޑީކަމަށް ބަދަލުކޮށްފައިވާއިރު އެ ކުންފުނީގެ ޑެޕިއުޓީ މެނޭޖިން ޑިރެކްޓަރުގެ ގޮތުގައި އިބްރާހިމް ނާއިފް ވަނީ އެ މަގާމުން ވަކިކޮށްފައެވެ.
ރައީސް މުއިއްޒާއި ވަރަށް އަރިސް ބޭފުޅެއްގެ ގޮތުގައި ހުންނެވި އަދި ރައީސް މުއިއްޒު ރިޔާސީ އިންތިހާބުގައި ވާދަކުރެއްވިި އިރު އިންތިހާބީ އެޖެންޓްގެ ގޮތުގައި ހުންނެވި އިބްރާހިމް ނާއިފް ފެނަކައިން ވަކިކުރި ސަބަބެއް ޕީސީބީން ވެސް އަދި ސަރުކާރުން ވެސް ހާމައެއް ނުކުރެ އެވެ.
ކުންފުނިތަކުގެ ބޯޑުތަކަށް ގެނައި ބަދަލުތަކުގެ ތެެރޭގައި އިބްރާހިމް ނާއިފްގެ އިތުރުން ފެނަކައިގެ ޗެއާމަން އަހުމަދު ޝަހީރާއި ޑިރެކްޓަރު އަހަމަދު އީހާބު ކުއްލި ގޮތަކަށް އެ ކުންފުނިން ވަނީ މިމަހުގެ 9 ވަނަ ދުވަހު ވަކިކޮށްފައެވެ.
ރުކުމާ މުހައްމަދު އަބްދުލްކަރީމާއި ފެނަކައިގެ ޑީއެމްޑީގެ ގޮތުގައި ހަމަޖެއްސުމުން އަނެއްކާވެސް އެ ކުންފުނީގައި ތިބި ޑީއެމްޑީގެ އަދަދު ދޭކަށް އެރީއެވެ.
ދަރަނި 4.3 ބިލިއަން ރުފިޔާ އަރާކަމަށް އޮޕަރޭޝަންތައް ހުއްޓާ ހިސާބުގައި އޮތްކަމަށް ބުނާ ފެނަައިން ދާދި ފަހުން ވަނީ 700 ވުރެ ގިނަ މުވައްޒަފުން ވަކިކޮށްފައެވެ.
