މި މުބާރާތުގައި ބައިވެރިވުމުގެ ފުރުސަތު ވަނީ އޮކްޓޫބަރު 19 ވަނަ ދުވަހުގެ ރޭ 11:59 ގެ ނިޔަލަށް ހުޅުވާލާފަ އެވެ.
އުރީދުން ބުނީ މި މުބާރާތަކީ އެ ކުންފުނިން ރާއްޖޭގެ 60 ޕަސެންޓަށް މިހާރު 5ޖީ ހިދުމަތް ފުޅާކޮށްފައިވާތީ ކުރިއަށް ގެންދާ މުބާރާތެއް ކަމަށެވެ. މި މުބާރާތުގައި ބައިވެރިވެވޭނީ އުރީދޫ 5ޖީ ލިބޭ ސަރަހައްދަކުން ސްޕީޑް ޓެސްޓު ހެދުމަށް ފަހު އޭގެ ސްކްރީންޝޮޓް ސޯޝަލް މީޑިއާގައި ހިއްސާކޮށްގެންނެވެ.
މި ސްކްރީންޝޮޓް ފޭސްބުކް އާއި އިންސްޓަގްރާމް ނުވަތަ ޓްވިޓާގައި އުރީދޫ ޓެގުކޮށް #5ޖީޖައްސާލާ ހޭޝްޓެގުގައި ޕޯސްޓުކުރުމުން މުބާރާތުގައި ބައިވެރިވެވޭނެ އެވެ.
އުރީދޫގެ ހުރިހާ ކަސްޓަމަރުންނަށް ހުޅުވާލައިގެން ކުރިއަށްގެންދާ މި މުބާރާތުގައި ނަސީބުވެރިޔާ ހޮވާނީ ރެންޑަމް ޑްރޯއަކުން ކަމަށް އުރީދޫ މޯލްޑިވްސް އިން ބުނެ އެވެ.
އުރީދޫން 5ޖީގެ ހިދުމަތް ފުޅާކޮށްފައިވާކަން އިއުލާނުކޮށްފައި ވަނީ މި މަހު އެ ކުންފުނީގެ އަހަރީ ދުވަސް ފާހަގަކުރުމަށް ބޭއްވި ރަސްމިއްޔާތުގަ އެވެ.
އުރީދޫ މޯލްޑިވްސް އިން ބުނި ގޮތުގައި އެ ކުންފުނިން އަބަދުވެސް މަސައްކަތްކުރަމުން ދަނީ ޓެކްނޮލޮޖީއާއި އެންމެފަހުގެ ވަސީލަތްތަކާއެކު ރާއްޖޭގެ ރައްޔިތުން ގުޅާލުމަށެވެ.
