މިދެބޭފުޅުންނަށް ރައީސް މުއިއްޒު ވަކިވަކިން ފޮނުއްވި ތަހުނިޔާގެ މެސެޖުގައި، ރާއްޖެއާއި މެލޭޝިޔާއާ ދެމެދުގައި އޮތް ގުޅުމަކީ ދެގައުމުގެ މެދުގައި އޮންނަ އިހަތިރާމާއި، އެއްބައިވަންތަ އުސޫލުތަކާއި، ރައްޔިތުންގެ މެދުގައިވާ ދެމެހެއްޓެނިވި ގުޅުމެއްގެ މައްޗަށް ބިނާވެފައިވާ ގުޅުމެއްކަން ފާހަގަކުރެއްވި އެވެ.
އޭގެއިތުރުން ޒަމާނުއްސުރެ ދެ ގައުމުގެ މެދުގައި އޮތް ގުޅުން ލާބައާއި މަންފާއަށްޓަކައި އިތުރަށް ބަދަހިވެގެންދާނެކަމުގެ ޔަގީންކަން އެބައޮތްކަމުގައިވެސް ރައީސްގެ މެސެޖުގައި ފާހަގކުރެއްވި އެވެ.
ރައީސްގެ މެސެޖުގައި، މެލޭޝިޔާގެ ރަސްގެފާނަށާއި ބޮޑުވަޒީރަށް ދުޅަހެޔޮ ސިއްހަތަކަށް އެދިވަޑައިގެން، މެލޭޝިޔާގެ ރައްޔިތުންނަށް ކުރިއެރުމާއި ފާގަތިކަމަށް އެދިވަޑައިގަންނަވާފައިވެ އެވެ.
ގައުމުގެ ފުރަތަމަ ބޮޑުވަޒީރު ޓުންކު އަބްދުއްރަހުމާން މެލޭޝިއާގެ މިނިވަންކަން އިއުލާންކުރީ 31 އޮގަސްޓް 1957 ވަނަ އަހަރުގައެވެ. އަދި ރާއްޖެއާ މެލޭޝިޔާއާ ދެމެދު ޑިޕްލޮމެޓިކް ގުޅުން ގާއިމް ކުރެވުނީ 1968 ވަނަ އަހަރު ގައެވެ.
