މާލޭގެ މަގުމަތީގައި ވަޅިއަކުން ބިރު ދައްކައިގެން އަންހެނަކު ރަހީނުކުރުމުން އެމީހާ ފަހަތުން ގޮސް މުގުރަކުން ޖަހާ އަންހެން މީހާއަށް އަނިޔާއެއް ވިޔަ ނުދީ ފުލުހުން ވަނީ އޭނާ ސަލާމަތްކޮށްފައެވެ. އެހެންނަމަވެސް މި ހާދިސާގައި ފުލުހަކަށް އަނިޔާވި ވާހަކަ މިހާތަނަށް ފުލުހުން ބުނެފައެއް ނުވެއެވެ.
ދިވެހި ފުލުހުންގެ ހިދުމަތުގެ ދުވަސް ފާހަގަކުރުމަށް މިއަދު ބޭއްވި ޖަލްސާގައި ވާހަކަ ދައްކަވަމުން ސީޕީ ޝުޖާއު ވިދާޅުވީ އަންހެން ކުއްޖާ ރަހީނުކުރި ހާދިސާގައި އެ އަންހެން ކުއްޖާ ސަލާމަތްކުރަން އުޅުމުގެ ތެރޭގައި ފުލުހަކު ޒަހަމްވެފައިވާކަމަށެވެ.
އެ ފުލުސް މީހާ ޒަހަމްވީ އަންހެން މީހާ ރަހީނުކުރި ފިރިހެން މީހާ ވެއްޓުނު ވަގުތު އޭނާގެ އަތުގައި އޮތް ތޫނު ހަތިޔާރުން ފިރިހެން މީހާ ސަލާމަތްކުރުމުގެ ތެރޭގައިކަމަށް ސީޕީ ވިދާޅުވިއެވެ. އަދި އެ ހާދިސާގައި ފުލުސް މީހާގެ އިނގިލިތައް ޒަހަމްވެފައިވާއިރު އެކަން އެއްވެސް ފަރާތަކުން ފާހަގަ ނުކުރާތީ ސީޕީ ވަނީ ކަންބޮޑުވުން ފާޅުކުރައްވާފައެވެ.
ސިޕީ ވިދާޅުވީ މި ހާދިސާގައި އަންހެން މީހާ ރަހީނުކުރި މީހާއަށް މާބޮޑު ގެއްލުމެއް ނުލިބި ސަލާމަތްވީ އެ ފުލުސް މީހާގެ ހުށިޔާރުކަމުންކަމަށެވެ.
މިދިޔަ ބުރާސްފަތި ދުވަހުގެރޭ މާލޭގެ މަގުމަތީގައި ވަޅިއަކުން ބިރު ދައްކައިގެން އަންހެނަކު ރަހީނުކުރުމަށް މަސައްކަތްކޮށްފައިވަނީ ށ. މިލަންދޫ، ހެޕީލޭންޑް އާދަމް އަތުހަރުއެވެ. އޭނާ ޝަރީއަތް ނިމެންދެން ބަންދުގައި ބަހައްޓަން ކޯޓުން ވަނީ އަމުރުކޮށްފައެވެ.
އަންހެން ކުއްޖާ ސަލާމަތްކުރަން ފުލުހުން ކުރި މަސައްކަތުގައި އަތްހަރުގައިގައި މުގުރުން ޖެހުމުން އޭނާއަށް ލިބުނު އަނިޔާތަކަށް ފުރަތަމަ ފަރުވާ ދިނީ އޭޑީކޭ ހޮސްޕިޓަލްގައެވެ. އެޑީކޭއިން ފަރުވާދިނުމަށްފަހު ދޫކޮށްލި ފަހުން އޭނާގެ ހާލު ގޯސްވުމުން ރޭ ވަނީ އައިޖީއެމްއެޗްގައި އެޑްމިޓްކޮށް އޭނާއަށް ފަރުވާދީފައެވެ.
ފުލުހުން ބުނީ އަތުހަރު ޝަރީއަތް ނިމެންދެން ބަންދުކުރަން ކޯޓުން އަމުރު ނެރުނީ އޭނާގެ އައިރު ހާޒިރުގައިކަމަށެވެ.
