މި ގޮތަށް ނިންމެވީ މިއަދުގެ ވަޒީރުންގެ މަޖިލީހުގައެވެ.
މި ނިންމުމައި ގުޅޭގޮތުން މައުލޫމާތު ދެއްވަމުން ހާރިޖީ ވަޒީރު މޫސާ ޒަމީރު ވިދާޅުވީ އިންޓަނޭޝަނަލް އެޓޮމިކް އެނާޖީ އޭޖެންސީ (އައިއޭއީއޭ)ގައި ރާއްޖެއިން ބައިވެރިވަނީ ރާއްޖޭގައި އަޅާ ކެންސަރު ހޮސްޕިޓަލުގެ މަސައްކަތުގައި އެހީ ހޯދުމަށްކަމަށެވެ. ޒަމީރު ވިދާޅުވީ އެ ހޮސްޕިޓަލަށް ބޭނުންވާ ބައެއް ތަކެތި ހޯދުންވެސް މިކަމުން ފަސޭހަވަގެންދާނެކަމަށެވެ.
ޒަމީރު ވިދާޅުވީ އައިއޭއީއޭއާ ބައިވެރިވުމަށްރައްޔިތުންގެ މަޖިލީހަށް ހުށަހަޅާނެ ކަމަށާއި ކެންސަރު ހޮސްޕިޓަލަށް ނިންމެންވާއިރަށް މިކަމާއި ގުޅޭގޮތުން ނިންމަންޖެހޭ ހުރިހާކަމެއް ނިންމާ އައިއޭއީއޭއިން ލިބެންވީ ފައިދާތައް ލިބޭނެ ކަމުގެ އުއްމީދު އެބައޮތްކަމަށް މިނިސްޓަރު ޒަމީރު ވިދާޅުވިއެވެ. މިކަމުގައި އެންމެ އިސް މިނިސްްޓްރީގެ ގޮތުގައި ޑިފެންސް މިނިސްޓްރީ ކަނޑައަޅާފައިވާކަމަށް މޫސާ ޒަމީރު ވިދާޅުވިއެވެ.
ކެންސަރު ހޮސްޕިޓަލްގެ މަޝްރޫއަކީ މިދިޔަ ސަރުކާރުގައި ފެށި މަސައްކަތެކެވެ. މިދިޔަ ސަރުކާރުން ނިންމާފައި އޮތީ އެ ހޮސްޕިޓަލް ލ. ގަމުގައި އެ ހޮސްޕިޓަލް ތަރައްގީކުރާށެވެ. އެހެންނަ،މަވެސް މި ސަރުކާރުން ވަނީ އެ ނިންމުން ބަދަލުކޮށް ކެންސަރު ހޮސްޕިޓަލް މާލެއަށް ބަދަލުކޮށްފައެވެ. ކެންސަރު ހޮސްޕިޓަލްގެ ބަދަލުގައި ގަމުގައި މި ސަރުކާރުން އަޅަން ނިންމާފައިވަނީ ނަފުސާނީ ސިއްހަތުގެ ހޮސްޕިޓަލަކެވެ.
