ads
ފޮޓ: އަބައުޓްް އިސްލާމް
ނަމާދަށް ފަރުވާކުޑަކޮށްގެން ތިބާއަށް ލިބޭނޭ އެއްވެސް މޮޅެއް ނެތެވެ.
ނަމާދަކީ ﷲ ތައާލާ ވާޖިބުކުރައްވައި ފަރުޟް ކުރައްވާފައިވާ މަތިވެރިވެގެންވާ އަޅުކަމެކެވެ. އެއީ ﷲ ތައާލާގެ އެއްކައުވަންތަކަމަށާއި އެއިލާހުގެ ނަބިއްޔާ މުހައްމަދު ޞައްލަﷲ އަލައިހި ވަސައްލަމަގެ ރިސާލަތަށް އީމާންވެ ހެކިވުމަށްފަހު، ދެން އިސްލާމްދީނުގައި ދެވަނަ ދަރަޖަ ދެވިފައިވާ އަޅުކަމެވެ. ދީނުގެ ދެވަނަ ރުކުނެވެ. ނަމާދަކީ ފަރުޟްގެ އެންމެ މަތިވެރި ވައްތަރެވެ.
Advertisement

ނަމާދުގެ ވާޖިބުކަމަށް ކީރިތި ގުރުއާނާއި ނަބިއްޔާ ޞައްލަﷲ އަލައިހި ވަސައްލަމަގެ ކިބައިން ދަލީލް ލިބޭ އެތައް އާޔަތްތަކަކާއި ހަދީޘްތަކެއް އައިސްފައިވެ އެވެ. އަދި އުއްމަތުގެ ޢިލްމުވެރިންވަނީ ނަމާދުގެ ވާޖިބުކަމާއިމެދު އިޖްމާޢުވެފަ އެވެ. އަދި އެއްވެސް އިލްމުވެރިއެއް ނަމާދަކީ ފަރުޟެއްކަމާއިމެދު ހިލާފްވެފައެއް ނުވެ އެވެ. އަދި މިއީ އިސްލާމްވުމަށްފަހު ދީނުގައި ކޮންމެ މުސްލިމަކަށްވެސް ކޮންމެހެންވެސް އެނގުން ލާޒިމް ކަމެކެވެ. އެއްވެސް މުސްލިމަކަށް ނަމާދަކީ ފަރުޟެއްކަން ނުވަތަ ވާޖިބެއްކަން ނޭންގި އޮތުން މުސްތަޙީލް މިންވަރަށް، މި އަޅުކަމުގެ ހުކުމަކީ އެނގި ބަޔާންވެފައިވާ މަޝްހޫރު ކަމެކެވެ.

ނަމާދަކީ ﷲ ގެ ހައްގު ތަކުގެ ތެރެއިން ގިޔާމަތްދުވަހު އެންމެ ފުރަތަމަ އަޅާގެ ހިސާބު ބެއްލެވޭނެ އަމަލުކަމަށް ވާއިރު، ގިޔާމަތް ދުވަހުން އެކަމުން އަޅާގެ އެންމެ ފުރަތަމަ ހިސާބު ބެއްލެވޭނެ ޢަމަލަކީ ވެސް ނަމާދެވެ. ހިސާބު ބެލެވޭދުވަހު ތިމާގެ ނަމާދު ރަގަޅު ވެއްޖެނަމަ އެހެން ހުރިހާ ޢަމަލެއް ރަގަޅުވެދެ އެވެ. އަދި ނަމާދު ފާސިދު ވެއްޖެނަމަ އެހެން ހުރިހާ ޢަމަލެއް ފާސިދުވެދެ އެވެ.

އަހަރެމެން ދިރިއުޅުމުގެ ހުރިހާކަމާއި ނަމާދާއި ވަނީ ގުޅި ލާމެހިފަ އެވެ. އެހެނީ ނަމާދަށް ފަރުވާކުޑަކޮށް ނަމާދު އަލާފައި އަހަރެމެން ކުރާ އެއްވެސް އަމަލެއް މާތް ﷲ ގަބޫލު ނުކުރައްވާނެ އެވެ. ނަމާދާއި ނުލައި އިންސާނާއަށް އެއްވެސް ރައްކަތެރިކަމެއްވެސް ނުވެ އެވެ.

ރިޒުގުތަނަވަސްވުމާއި ބަލިތަކުން ޝިފާ ލިބުމާއި، ހިތްހަމަޖެހުމާއި މި ހުރިކާމެއްވެސް ގުޅިފައިވަނީ މާތް ﷲ ފަރުޟުކުރެއްވި ނަމާދުގަ އެވެ. އެހެން ކަމުން ނަމާދަށް ފަރުވާކުޑަކޮށް، ނަމާދު އަޅާމީހާއަށް ލިބޭނެ އެއްވެސް މޮޅެއްނެތެވެ. ލިބޭނޭ އެއްވެސް ކާމިޔާބެއް، އުފަލެއް ނެތެވެ. އެހެންކަމުން ނަމާދަށް ރައްކާތެރިވާށެވެ. ނަމާދު ޤާއިމްކުރާށެވެ. ފަލާހާއި ކާމިޔާބު ލިބުމަށް އެދޭނަމަ، ފަރުޟު ފަސް ނަމާދަށް ރައްކާތެރިވާށެވެ.

ރަސޫލުﷲ ޞައްލަﷲ އަލައިހި ވަސައްލަމްގެ ލޮލުގެ ފިނިކަން ކަމުގައިވި ނަމާދު އަޅުގަނޑުމެން އެންމެންގެ ލޮލުގެ ފިނިކަން ކަމުގައި ލެއްވުން އެދި ގަދަ ކީރިތި ވަންތަ ﷲގެ ހަޟްރަތުގައި ދުއާ ދަންނަވަމެވެ. އޭ އަޅަމެން ހައްދަވާ ބޮޑުކުރައްވަވާ ގެންގުޅުއްވާ އިލާހެވެ. އިނބަ ﷲ އަށް ބިރުވެތިވެ، އިނބަ ﷲ ރުހިވޮޑިގަންނަވާ ގޮތުގައި އިނބަ ﷲ އެންމެ ރުއްސަވާ އަޅުކަން ކަމުގައިވާ، ނަމާދު އެންމެ ފުރިހަމަ ގޮތުގައި އަދާކުރުމުގެ ތަވްފީޤު އަޅަމެން އެންމެނަށް ދެއްވާނދޭވެ! آمين.

މަޝްދަރު: ދީނީ އިލްމުވެރިންގެ ފަތުވާތަކުން

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް