ލޮލު ރޯގާއަކީ ތަފާތު ވަށްތަރުގެ ބެކްޓީރިއާ އަދި ވިއިރަސްގެ ސބަބުން ޖެހޭ އެއްޗެއްކަމަށް ފާހަގަކޮށް އެޗްޕީއޭއިން ވަނީ ލޮލޮރޯގާ ޖެހިއްޖެކަމަށް ޝައްކު ކުރެވޭނަމަ ވީހާވެސް އަވަހަކަށް ޑޮކްޓަރަކަށް ނުވަތަ ސިއްހީ އެހީތެރއަކަށް ދައްކައިގެން ފަރުވާ ހޯދުމަށް އަވަސްވެ ގަންނަން ޖެހޭނެކަމަށް ބުނެފަ އެވެ.
ލޮލު ރޯގާ ޖެހުމުން ކުރިމަތިވާ މައިގަނޑު 5 އަލާމާތެއް އެޗްޕީއޭއިން ވަނީ ފާހަގަކޮށްފަ އެވެ. ލޮލޮ ރޯގާ ޖެހުމުން ދިމާވާ އަލާމާތްތަަކަކީ:
- ހުން އައުން
- ލޯ ހިރުވުން
- ލޮލުން ފެން އައުން
- ލޮލުގައި މަޑުހެދުން
- ލޯ ރަތްވުން
ލޮލުރޯގާއިން ސަލާމަތް ވުމަށް ރައްކާތެރި ފިޔަވަޅު އެޅުމަށް އެޗްޕީއޭއިން އިލްތިމާސް ކުރެ އެވެ.
އެގޮތުން ގިނި ގިނައިން ސައިބޮނިލައިގެން އަތްދޮވުމާއި، އާންމުކޮށް އަތްލާ ތަކެއްޗާއި ތަންތަން ސާފުކުރުން އަދި ލޮލުގައި އަތްލުމާއި ނުވަތަ އުނގުޅުމުން ދުރުހެލިވާން ޖެހޭ ކަމަށް އެޗްޕީއޭއިން ބުނެ އެވެ.
ލޮލުރޯގާއިން ސަލާމަތްވުމަށް ކުރެވިދާނެ އިތުރުކަންކަން:
- ބޭނުންކޯށްފައިވާ ޓިޝޫފަދަ ތަކެތި ރައްކާތެރިގޮތުގައި ނައްތާލުން
- ލޮލޮ ރޯގާ ޖެހިފައިވާ މީހަކު ލޮލަށް އަޅަން ބޭނުން ކުރާ ބޭސްފުޅި ބޭނުން ނުކުރުން
ފަސޭހައިން ގައިންގަޔަށްއަރާ މިބަލި ކޮންމެ އުމުރު ފުރައެއްގެ ކޮންމެ މީހަކަށްވެސް ޖެހިދާނެ އެވެ. ވަރަށް ތުއްތު ކުދިންނަށް ވެސް ލޮލުރޯގާ ޖެހޭ ފަހަރު އާދެ އެވެ. ގިނަ ފަހަރު ގޭގެ ކޮންމެ ވެސް ބޮޑުމީހަކަށް ޖެހުމުން ނޫނީ ރޯގާޖެހިފައިވާ މީހުންނާއެކީގައި ވަގުތު ހޭދަކުރުމުން ވެސް ރޯގާ ޖެހޭގޮތް މެދުވެރިވެ އެވެ.
