އެމްޓީސީސީން ބަހުގެ ދަތުރުތައް މިހާރު ފަށަނީ ކޮންމެ ދުވަހަކުވެސް ހެނދުނު ހައެއް ޖަހާއިރުއެވެ. އަދި ރޭގަނޑު 12:30 ގައި ދަތުރުތައް ހުއްޓާލައެވެ.
އެކުންފުނިން ބުނީ ހިދުމަތް ހޯދާ ފަރާތަތަކުން ބަހުގެ ދަތުރުތައް ފަށާ ވަގުތު އަވަސްކޮށްދިނުމަށް އެދިފައިވާތީ ފަތިހު ފަހެއް ޖަހާއިރު ބަސްތަކުގެ ދަތުރުތައް ފެށުމަށް ނިންމާފައިވާކަމަށެވެ. މި ބަދަލާއެކު އަންނަ އާދިއްތަ ދުވަހުން ފެށިގެން ބަހުގެ ހިދުމަތް ފަތިހު ފަހަކުން ފެށިގެން ލިބެމުންދާނެކަމަށް އެކުންފުނިން ބުނެއެވެ.
ދަންވަރު ބަހުގެ ހިދުމަތް ނުދިންނަމަވެސް މާލެއާއި ހުޅުމާލެ އާއި ދެމެދު ދަންވަރުވެސް އެ ހިދުމައް އަންނަނީ ދެމުންނެވެ. އެގޮތުން ދަންވަރު 12:30 އިން ފެށިގެން 12:30 އިން ފެށިގެން ފަތިހު 5:30 އަށް ގަޑިއިރަކު އެއްފަހަރު ބަސް ދަތުރުތައް ބާއްވައެވެ.
އާންމު ދަތުރުފަތުރުގެ ނިޒާމު ލުއި ފަސޭހަ ކުރުމަށް މިދިޔަ ސަރުކާރުން މާލޭގައި މިނީ ބަހުގެ ހިދުމަތް ފެށީ 05 ސެޕްޓެމްބަރު 2022 ގައެވެ. ބަހުގެ ހިދުމަތް ފެށުމުން އެ ހިދުމަތް ބޭނުންކުރާ މީހުންގެ އަދަދު ވަނީ އެތައް ގުނައަކުން އިތުރުވެފައެވެ.
