މި ހިނގާ 2024 ވަނަ އަހަރުގެ އެންމެ ގިނަ ޓެކްސް ދެއްކި ސެލެބްރިޓީތަކުގެ ލިސްޓް މިހާރު ވަނީ ނެރެފައެވެ.
މި ލިސްޓުގައި އެންމެ މަތީގައި ވަނީ ޝާރުކް ޚާނެވެ. އޭނާ ވަނީ 92 ކްރޯރް ރުފިޔާ ޓެކްސްގެ ގޮތުގައި ދައްކާފައެވެ. ޖަވާން، ޕަތާން އަދި ދުންކީ ފަދަ ފިލްމުތަކުން ބޮކްސް އޮފީހުގައި ރަނގަޅު ކުރިއެރުމެއް ލިބުނު އަހަރެއްގެ ގޮތުގައި ޝާރުކް ޚާނަށް މިދިޔަ އަހަރު ފާހަގަކުރެވުނެވެ. ޖަވާން އަދި ޕަތާން ވަނީ ބޮކްސް އޮފީހުގައި 1000 ކްރޯރް ރުފިޔާގެ އަދަދު ހަމަކޮށްފައެވެ.
މި ލިސްޓުގައި ދެވަނައަށް އަންނަނީ ތަލަޕަތީ ވިޖޭއެވެ. އޭނާ ވަނީ 80 ކްރޯރް ރުފިޔާ ޓެކްސްގެ ގޮތުގައި ދައްކާފައެވެ. ތިންވަނައިގައި ވަނީ ސަލްމާން ޚާނެވެ. އޭނާ ވަނީ 75 ކްރޯރް ރުފިޔާ ދައްކާފައެވެ. ހަތަރުވަނައިގައި ވަނީ އަމިތާބް ބައްޗަނެވެ. އޭނާ ވަނީ 71 ކްރޯރް ރުފިޔާ ދައްކާފައެވެ. ފަސްވަނައިގައި ވަނީ ކްރިކެޓް ކުޅުންތެރިޔާ ވިރާޓް ކޯލީއެވެ. އޭނާ ވަނީ 66 ކްރޯރް ރުފިޔާ ދައްކާފައެވެ.
މި ލިސްޓުގައި ހިމެނޭ އެހެން ނަންތަކުގެ ތެރޭގައި އަޖޭ ދޭވްގަން، އެމްއެސް ދޯނީ، ރަންބީރް ކަޕޫރް، ހްރިތިކް ރޯޝަން އަދި ސަޗިން ޓެންޑުލްކަރް ހިމެނެއެވެ.
