މިކަން ހާމަކޮށް ފޭސްބުކް ގައި އާންމުކުރި ޕޯސްޓެއްގައި ވަޖީހު ވިދާޅުވީ އައްޑޫ ސިޓީ އަށް ގެންދިއުމަށްޓަކައި އިންޑިޔާގެ ޓިޓުކޮރިން އިން 300 ވަރަކަށް މެޓުރިކް ޓަނުގެ ކާގޯ ލޯޑު ކޮށްގެން "އެމްވީ ނިއުމަތު" ބޯޓު ހިތަދޫ ރީޖެނަލް ޕޯޓަށް ދަތުރު ކުރަމުން ދާކަމަށާއި ޝެޑިއުލްގައި ވާގޮތުން މިބޯޓަށް ހިތަދޫ ޕޯޓަށް ބަދަރު ކުރެވޭނީ މިމަހުގެ 11 ވާ ބުދަ ދުވަހުގައި ކަމަށެވެ.
ވަޖީހު ވިދާޅުވީ އައްޑޫ ހިތަދޫ ޕޯޓަށް ބަނދަރުކުރުމަށް މިހާރު ފުރާފައިވާ މިބޯޓުންގެންދާ މުދާ ތަކުގެ ތެރޭގައި ތަރުކާރީ އާއި މޭވާ އަދި ޖެނެރަލް ކާގޯ ގެ ބާވަތްތައް ހިމެނޭކަމަށެވެ.
އަދި މިއީ، އިންޑިޔާއިން، ދާއިމީ ގޮތެއްގައި އައްޑޫ ސިޓީ އަށް ކާގޯ ގެންދިއުމަށްޓަކައި މިސަރުކާރުން ކުރި މަސައްކަތް ކާމިޔާބުވެ، މި މަސައްކަތް ފެށުނު ފަހުން، މެދު ނުކެޑި، އެ އޮޕަރޭޝަނަށް އިތުރު ކުރެވިގެން ދިޔަ ބޮޅެއްކަމަށް ވެސް ވަޖީހު ވިދާޅުވި އެވެ.
