މަޖިލިސް މިވަގުތު ޗުއްޓީގައި އޮތުމުން މި ޖަލްސާ ބާއްވަން ޖެހޭނީ ދައުރުން ބޭރުން ބާއްވާ ޖަލްސާއެއްގެ ގޮތުގައެވެ.
މަޖިލީހުގެ ގަވާއިދު ބުނާގޮތުން ދައުރުން ބޭރުގައި ޖަލްސާއެއް ބޭއްވޭނީ މަޖިލީހުގެ 1/3 މެންބަރުންގެ ސޮއި ހަމަވެގެންނެވެ.
މި ސަރުކާރުގެ ސުޕާ މެޖޯރިޓީ އޮތް މަޖިލީހުން ވަނީ މި އަދަދަށް ސޮއިހަމަކޮށްފައެވެ.
މަޖިލިސް މިދިޔަ އޮގަސްޓްމަހު 22 ވަނަދުވަހު ޗުއްޓީއަށް ދިޔައީ ޕްރޮސެކިއުޓާ ޖެނެރަލް ހުސައިން ޝަމީމް މަގާމުން ވަކިކޮށްފައެވެ މަޖިލީސް ޗުއްޓީއަށް ނުގޮސް ދިގު ދަންމާލީ ޕީޖީގެ މަގާމުގައި ހުންނެވި ހުސައިން ޝަމީމް އެ މަގާމުން ވަކިކުރުމުގެ މައްސަލަ ކުރިއަށް ގެންދާށެވެ. ޝަމީމް ވަކިކުރަން ވަކި ޖަލްސާ ވަނީ މަޖިލީހުން ބާއްވާފައެވެ.
ޝަމީމް ވަކިކުރަން މަޖިލީހުން ފާސްކުރީ 65 މެންބަރުންގެ ވޯޓާ އެކު އެވެ. ޝަމީމް ވަކިކުރަން ނުފެންނަ ކަމަށް ނުވަ މެންބަރަކު ވޯޓު ދެއްވިއިރު، ވަކި ކޮޅަކަށް ވޯޓު ނުދެއްވާ އެއް މެންބަރަކު އިންނެވި އެވެ.
ޕްރޮސެކިއުޓާ ޖެނެރަލް (ޕީޖީ) ގެ މަގާމަށް ކުރިމަތިލުމުގެ ފުރުސަތު ރައީސް އޮފީހުން ހުޅުވާލީ މިދިޔަ މަހުގެ 27 ވަނަ ދުވަހުއެވެ.
