މިރޭ މާލޭގައި ބޭއްވުނު މުޒާހަރާގައި ޔުމްނުގެ ދައްތަ ބުނީ ޔުމްނު ބޭރަށް ގެންދިއުމުގައި ދެ ގަޑިއިރު އެހެން ގައުމެއްގައި ޓްރާންސިޓު ވާންޖެހޭކަމަށާއި، ނަމަވެސް ރައީސް މުހައްމަދު މުއިއްޒު މެލޭޝިއާއަށް ވަޑައިގަތީ ޑައިރެކްޓު ފުލައިޓެއްގައިކަމަށެވެ.
ޔުމްނު ވެއްޓުނުތާ ހަފްތާއެއް ވަނިކޮށް އިތުރު ފަރުވާއަށް އޭނާ މެލޭޝިއާއަށް ގެންދިއުމަށް ހުރިހާ އިންތިޒާމުތައް ހަމަޖެހިފައިވާކަމަށް އާއިލާއިން ބުނެއެވެ. ސަރުކާރުން ޗާޓަރު ފުލައިޓެއް ހަމަޖެއްސުމުގެ މަސައްކަތް ކުރާކަމަށާއި މާދަމާވެސް ފުލައިޓު ލިބިއްޖެނަމަ ފުރަން ޖެހިދާނެކަމަށް އާއިލާއިން ބުންޏެވެ.
ޔުމްނުއާ ބެހޭގޮތުން "ފާޅުގައި ދޮގުހަދައި އޮޅުވާލަމުން" އަންނަކަމަށްވެސް އޭނާގެ ދައްތަ ތުހުމަތުކުރެއްވިއެވެ.
ޔުމްނު ވެއްޓުނު މައްސަލާގައި އޭނާއާއެކު އެރޭ އުޅުނު ރައުދު އަހްމަދު ޒިލާލް ހައްޔަރުކޮށް ކޯޓަށް ގެންގޮސް 5 ދުވަހުގެ ބަންދުގެ މުއްދަތެއް ދީފައިވެއެވެ.
ފުލުހުން ގިނަ ތުހުމަތުތަކެއް ކޮށްފައިވާއިރު، އޭގެތެރޭގައި ޔުމްނު ވެއްޓުމުގައި ބައިވެރިވުން ވެސް ހިމެނެއެވެ.
