އޭޕްރިލް 18 ވަނަ ދުވަހުގެ ރޭ ހ. ފެންޓެނޯއީއަށް ޔުމްނު ވަދެފައި ވަނިކޮށް އެނާއާއެކު އުޅުނު ރައުދު އަހުމަދު ޒިލާލްގެ ކުރިން މި ފިރިހެނާ ގެއަށް ވަންނަ މަންޒަރު ވީޑިއޯއިން ފެނެއެވެ.
ވީޑިއޯގައި ފެންނަ ގޮތުން، ކާކުކަން ނޭގެ މި ފިރިހެނާ ފެންޓެނޯއީގޭގެ މައި ދޮރުން ވަންނަތާ ހަމަ ކުޑަ ސިކުންތުކޮޅެއްގެ ތެރޭގައި ރައުދު އެގެއަށް ވަންނަ މަންޒަރު ފެންނެއެވެ.
މި ވީޑިއޯ ފެތުރުމާއެކު، ޔުމްނު އެ އިމާރާތުން ވެއްޓުނު ހާދިސާއާ ގުޅިގެން ގިނަ ސުވާލުތަކެއް ވަނީ އުފެދިފައެވެ.
ޔުމްނު ރަޝީދު ވެއްޓުނު ރޭ އެގެއިން މީހަކު ނުކުމެން ދިޔަކަމަށް ފުލުހުން ބުނެފައިވެއެވެ. ނަމަވެސް އެއީ ފަތިސް ނަމާދަށް ދިޔަ މީހެއްކަަމަށް ފުލުހުން ބުނެއެވެ.
މި މައްސަލައިގައި ކޮމިޝަނާ އޮފް ޕޮލިސް ސީޕީ އަލީ ސުޖާއު ވިދާޅުވީ އެ ހާދިސާ ހިނގިފަހުން ވެސް މީހަކު ނުކުތްތޯ ބަލާފައިވާކަމަށެވެ.
ސުޖާއު ވިދާޅުވީ އެ މީހާ ނަމާދަށް ދިޔަކަން ފާހަގަވި ނަމަވެސް، ޔުމްނު ވެއްޓުމުގައި އިތުރު މީހަކު ބައިވެރިވާކަން އެނގިފައިނނުވާކަމަށެވެ.
