މާލޭގައި މިހާރު ކުރިއަށްދާ ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) ވިމެންސް ވޮލީބޯލް ޗެލެންޖް ކަޕް 2024 ގެ ސެމީ ފައިނަލް ދެވަނަ މެޗުގައި ރާއްޖެ އާއި ތަޖިކިސްތާން ބައްދަލުކުރަން ޖެހުނީ ލީގު ބުރުގެ ފަހު މެޗުގައި ކިރިގިސްތާނު އަތުން ރޭ ބަލިވުމުން ރޭންކިންގެ ދެވަނަ ލިބުމުންނެވެ.
ރާއްޖެއަށް ހަ ޕޮއިންޓް ލިބުނުއިރު، އެއްވަނަ ހޯދި ކިރްގިސްތާނުން ވަނީ ކުޅުނު ތިން މެޗުވެސް ކާމިޔާބުކޮށް، ނުވަ ޕޮއިންޓް ހަމަކޮށްފައެވެ. ތިންވަނަ ހޯދި ތަޖިކިސްތާނަށް ތިން ޕޮއިންޓް ލިބުނުއިރު، ހަތަރުވަނައަށް ދިޔަ އަފްޣާނަށް އެއްވެސް ޕޮއިންޓެއް ލިބިފައެއް ނުވެއެވެ.
ލީގު ބުރުގެ ފަހު މެޗުގައި ރޭ ކިރްގިސްތާނުން ވަނީ ސީދާ ތިން ސެޓުން ރާއްޖެ ބަލިކޮށްފައެވެ. އެއީ 31-29، 25-16 އަދި 25-23 އިންނެވެ.
ރާއްޖެ އާއި ތަޖިކިސްތާން ބައްދަލުކުރާ ބައްދަލުކުރާ ސެމީގެ މެޗު ކުޅުމަށް ހަމަޖެހިފައިވަނީ އަންގާރަ ދުވަހުގެރެއެވެ. މި މުބާރާތުގެ ސެމީގައި ރާއްޖެ އާއި ތަޖިކިސްތާން ބައްދަލުކުރާއިރު، ލީގު ބުރުގައި މި ދެ ޓީމު ބައްދަލުކުރި މެޗު 3-1 ސެޓުން ކާމިޔާބުކޮށްފައިވަނީ ރާއްޖެއިންނެވެ.
