އަނާރާ މިހެން ވިދާޅުވީ ނުކުޅެދުންތެރިކަން ހުންނަ މީހުންގެ ހައްގުތަކާ ގުޅޭ ސްޓޭކް ހޯލްޑާ ފޯރަމް އިފްތިތާހުކުރުމަށް ބޭއްވި ރަސްމިޔާތު ޝަރަފުވެރިކޮށް ވާހަކަދައްކަމުންނެވެ.
އަނާރާ ވަނީ ނުކުޅެދުންތެރިކަން ހުންނަ ފަރާތްތަކުގެ ހައްގުގައި ވަކާލާތުކުރުން އެންމެ އައުލާކަން ބޮޑީ ކަމާ ގުޅުންހުރި އިދާރާތަކާއި، ކޮމިޝަންތަކާއި، ނުކުޅެދުންތެރިކަން ހުންނަ ފަރާތްތަކުގެ ހައްގުތައް ކަށަވަރުކޮށްދިނުމަށް މަސައްކަތްކުރުމަށް ހާއްސަ ކުރެވިފައިވާ ތަންތަނުގެ މުވައްޒަފުން ކަަމަށް ވިދާޅުވެފައެވެ. އެގޮތުން އެފަރާތްތަަކަކީ އެންމެ އަޑުގަދަކޮށް އަޑުއުފުލަން ޖެހޭ ފަރާރްތައް ކަމަށް ފާހަގަކޮށް އަނާރާ ވިދާޅުވީ ފޯރަމްގައި ނުކުޅެދުންތެރިކަން ހުންނަ ފަރާތަަކުގެ ހައްގުގައި ކޮށްދޭންޖެހޭ ހުރިހާ ކަމެއް ކޮށްދޭނެކަމަށް އުއްމީދުކުރައްވާކަމަށެވެ.
ރާއްޖެއިން ބޭރުގެ ކުރިއަރާފައިވާ ބައެއް ގައުމުތަކުގައި ނުކުޅޭދޭ ފަރާތަަކުން ވަރަށް ރަނގަޅަށް އާއްމު ރައްޔިތުން ފަދައިން ދިރިއުޅޭތަން ފެންނަކަމަށް އަނާރާ ފާހަގކުރެއްވި އެވެ. އަދި އެގޮތަށް ރާއްޖޭގައިވެސް ހާއްސަ އެހީއަށް ބޭނުންވާ ފަރާތްކަށް އުޅެވިގެން ދެވޭނެގޮތެއް މަގުފަހިކޮށްދިނުން އެއީ އެންމެން މިއަދު ކުރަން ޖެހިފައިވާ ކަމެއްކަމަށް އަނާރާ ވިދާޅުވި އެވެ.
ނުކުޅެދޭ ފަރާތްތަކަށް އެމީހުންގެ ހައްގު ހޯދައިދިނުމަށް އަމަލީ ސިފަ ގެނެވޭތޯ މަސައްކަތް ކުރަން ޖެހޭ ކަންކަން ހުރިކަމަށް އަނާރާ ވިދާޅުވި އެވެ. އަދި ރައްޔިތުންގެ މަޖިލީހުން ކުރަން ޖެހޭ ހުރިހާ ކަމެއް، ނުކުޅެދުންތެރިކަން ހުންނަ ފަރާތަަކަށް ހޯދަދޭން ޖެހޭ ހުރިހާ ހައްގުތަކެއް ހޯދައިދިނުމަށް މަސައްކަތް ކުރައްވާނެ ކަމުގެ ޔަގީންކަން އަނާރާ ދެއްވި އެވެ.
