ހަައުސިން މިނިސްޓްރީއާ ދެކޮޅަށް މައްސަލަ ހުށައެޅި ކޮންޓެކް ޕްރައިވެޓް ލިމިޓެޑު ކިޔާ އަމިއްލަ ކުންފުންޏަކުންނެވެ. އެ ކުންފުނިން މި ދައުވާ އުފުލީ ގްރީން އޮފީސް ބިލްޑިން ޕްރޮޖެކްޓުގައި ކުރި މަސައްކަތަކަށް ދައްކަން ޖެހޭ 818،441.48 ރުފިޔާ ނުލިބިގެންނެވެ.
މި މައްސަލާގައި ހައުސިން މިނިސްޓްރީގެ ގައިރު ހާޒިރުގައި މި ފައިސާ ދައްކަން ހުކުމްކުރީ މި މައްސަލާގެ ދިފާއު ހުށައަޅަންޖެހޭ މުއްދަތު ހަމަވިފަހުން ހުށައެޅުމުންނެވެ. މި މައްސަލަ ނިންމާ ކޯޓުން ިއއްވި ހުކުމުގައި ވަނީ މި ފައިސާ 30 ދުވަހުގެ ތެރޭގައި ދައްކާ ހަލާސްކުރުމަށް އަންގާފައެވެ.
މި މައްސަލައިގެ ދައުވާ ފޯމާއި ހައުސިން މިނިސްޓްރީން ވަނީ މިއަހަރުގެ މާޗު 19 ހަވާލުވެ ސޮއިކޮށްފައެވެ. އެހެންނަނަމަވެސް، އެ މިނިސްޓްރީން މި މައްސަލައިގައި ދިފާއު ހުށަހެޅީ އޭޕްރިލް 14 ވަނަދުވަހުއެވެ. އެއީ ގާނޫނުގައި ބުނާ 14 ދުވަހުގެ މުއްދަތު ހަމަވިފަހުންނެވެ.
ހައުސިން މިނިސްޓްރީން މުއްދަތު ހަމަވީ ފަހުން ހުށަހެޅި ދިފާއުގައި ވަނީ މުޅި ދައުވާއަށް އިންކާރުވެސްކޮށްފައެވެ.
މަދަނީ އިޖުރާއަތުގެ ގާނޫނުގައި ބުނާގޮތުން ދައުވާ ލިބޭ ފަރާތުން ދައުވާއާ ގުޅޭ ލިޔެކިޔުންތަކާ ހަވާލުވުމަށް ފަހު ކަނޑައެޅިފައިވާ މުއްދަތުގެ ތެރޭގައި ދައުވާއަށް ދިފާއެއް ހުށަހަޅާފައި ނުވާ ނަަމަ މައްސަލަ ހުށަހެޅި ފަރާތާ އެއްކޮޅަށް މައްސަލަ ނިންމޭނެއެވެ.
