މިރާއިން އާއްމުކޮށްފައިވާ ތަފާސް ހިސާބުތައް ދައްކާގޮތުން މިދިޔަ މަހު ދައުކަތުގެ އާމްދަނީގެ ގޮތުގައި 1.98 މިލިއަން ރުފިޔާ ލިބުނުއިރު މީ މިދިޔަ މަހުގެ ލިބޭނެކަމަށް އަންދާޒާކުރި ވަރަށްވުރެ 34.5 އިންސައްތަ އިތުރު އަދަދެއްކަމަށް އެ އިދާރާއިން ބުނެއެވެ. އަދި މިދިޔަ އަހަރުގެ އޮަގަސްޓް މަހު ލިބުނު އާމްދަނީއަށް ވުރެ 24 އިންސައްތަ އިތުރު އަދަދެއްކަމަށްވެސް މީރާއިން ބުނެއެވެ.
މިރާއިން ބުނީ މިދިޔަ މަހު އާމްފދަނީގެ ގޮތުގައި ޑޮލަރުން 62.82 މިލިއަން ޑޮިލަރު ލިބިފައިވާކަމަށެވެ.
މީރާއިން ބުނީ މިދިޔަ މަހުގެ އާއްމަދަނީ އިތުރުވީ ފަރިދިން ނޫން ފަރާތްތަކުން ނަގާ ޓެކުހާއި ކުންފުނިތަކުގެ އާމްދަނީ ނަގާ ޓެކުހާއި ޖީއެސްޓީ އަދި ގްރީން ޓެކުހުގެ އާމްދަނީ އިތުރުވުމުންކަމަށެވެ.
މިދިޔަ މަހުވެސް ދައުލަތަށް އެންމެ ބޮޑު އާމްދަނީ އެއް ލިބުނީ ޖީއެސްޓީގެ ގޮތުގައެވެ. ޖީއެސްޓީގެ ގޮތުގައި 1.06 ބިލިއަން ރުފިޔާ ވަނީ ލިބިފައެވެ. މީ މިދިޔަ މަހު ލިބުނު އާމްދަނީގެ 53.3 އިންސައްތަ އެވެ. ދެން އެންމެ ގިނަ އާމްދަނީއެއް މިދިޔަ މަހު ލިބުނީ އިންކަމް ޓްކްސް އިންނެވެ. އިންކަމް ޓްކްސްގެ ގޮތުގައި 472,655,201 ވަނީ ލިބިފައެވެ، މީ މިދިޔަ މަހުގެ އާމްދަނީގެ 23.9 އިން ސައްތައެވެ.
މީގެއިތުރުން އެއާޕޯޓް ޑިވެލޮޕްމެންޓް ފީގެ ގޮތުގައި 90.85 މިލިއަން ރުފިޔާ ލިބިފައިވާކަމަށްވެސް މީރާގެ ހިސާބުތަކުން ދައްކައެވެ. އަދި ޑިޕާޗާ ޓެކުހުގެ ގޮތުގައި 89.13 މިލިއަން ރުފިޔާވަނީ މިދިޔަ މަހު ލިބިފައެވެ.
ޑޮލަރުން ލިބުނު އާމްދަނީގެ އެންމެ ބޮޑު ބައެއް ހިއްސާކުރަނީ ޓީޖީއެސްޓީއެވެ. ތީޖީއެސްތީގެ ގޮތުގައި 41,286,508 ޑޮލަރު ވަނީ ލިބިފައެވެ.
