މަލައިކާ އަރޯރާ (ވ) އޭނާގެ މައިބަފައިން އަދި އޭނާގެ ދައްތައާއެކު
މަލައިކާ އަރޯރާގެ ބައްޕަ އަމިއްލައަށް މަރުވި ސަބަބު އޭނާގެ ޑައިރީގަ
އައިޝަތު ނޫރާ
12 ސެޕްޓެމްބަރ 2024 - 12:14:45
ބޮލީވުޑުގެ މަގުބޫލު ތަރި މަލައިކާ އަރޯރާގެ ބައްޕަ އަނިލް މެހްތާ ބުދަ ދުވަހު އަމިއްލައަށް މަރުވި ސަބަބު އޭނާގެ ޑައިރީގައި ލިޔެފައިވާކަމަށްބަލައި އޭނާގެ ޑައިރީ ހޯދުމުގެ މަސައްކަތް އިންޑިއާ ފުލުހުން މިއަދު ފައިފިއެވެ.
Advertisement
މަލައިކާގެ އަރޯރާގެ ބައްޕަ އިއްޔެ އޭނާ އުޅޭ އިމާރާތުގެ 6 ވަނަ ފަންގިފިލާއިން ފުންމާލައިގެން އަމިއްލައަށް މަރުވިކަމަށް ނޫސްތަކުން ރިޕޯޓުކުރިއެވެ.
ފުލުހުން މައްސަލަ ތަޙުޤީޤުކުރަމުންދާއިރު، އަނިލް މެހްތާ ދުވަހު ޑައިރީއެއް ލިޔަމުން ގެންދިޔަކަމަށް ފުލުހުންގެ މަޞްދަރުތަކުން ބުނެފައިވެއެވެ. އެހެންކަމުން، އެ ޑައިރީ ހޯދުމަށް ފުލުހުން މަސައްކަތްކުރަމުންދާ ކަމަށާއި، އަމިއްލައަށް މަރުވުމާ ގުޅޭ މަޢުލޫމާތު އެ ޑައިރީގައި ލިޔެފައި ހުރެދާނެކަމަށް ފުލުހުން އުންމީދުކުރާ ކަމަށް ބުނެފައިވެއެވެ.
މިހާތަނަށް އެއްވެސް ސުސައިޑް ނޯޓެއް ފެނިފައިނުވާއިރު، ޕޯސްޓްމޯޓަމް ރިޕޯޓު އަދި ލިބިފައިނުވާކަމަށް ބުނެފައިވެއެވެ. އަނިލް މެހްތާގެ އަންތިމް އިޙްތިފާލު މިއަދު ސަންޓަކްރޫޒްގައި ބޭއްވުމަށް ހަމަޖެހިފައިވެއެވެ.
25%
ކަމުގޮސްފި
50%
އަޑުއެހިތާ މިހުރީ
0%
ސަތޭކައަކުން ސުމެއް
25%
ވަރަށް ސަލާމް
ކޮމެންޓްސް
