ޤައުމީ ދުވަހުގެ ޖަލްސާގައި ރައީސް ޑރ. މުހައްމަދު މުއިއްޒު ވާހަކަދައްކަވަނީ
ބްރޯންޒް މެޑަލް ހޯދި ދިވެހި އެތުލީޓުންނަށް ރައީސްގެ މަރުހަބާ
ގުފްތަގް އަޖީރު
14 ސެޕްޓެމްބަރ 2024 - 09:23:13
ސައުތު އޭޝިއަން ޖޫނިއާ އެތުލެޓިކްސް ޗެމްޕިއަންޝިޕުގައި ބްރޮންޒް މެޑަލް ހާސިލުކުރި ދިވެހި އެތުލީޓުންނަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަޢުރީފުކުރައްވައި މަރުހަބާ ވިދާޅުވެއްޖެއެވެ.
Advertisement
ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ ބްރޯންޒް މެޑަލް ހޯދި އެތުލީޓުން ދިވެހިރާއްޖެއަށް ހޯދައިދިނީ ރީތި ނަމެއް ކަމަށެވެ. އަދި އެ އެތުލީޓުން މުބާރާތުގައި ދެއްކި ހުނަރާއި ހިތްވަރާމެދު ފަޚުރުވެރިވެވަޑައިގަންނަވާ ކަމަށްވެސް އެމަނިކުފާނު ވިދާޅުވިއެވެ.
ރައީސް ވަނީ އެ ކުޅުންތެރިންނަށް ސާބަސް ދެއްވައި މަރުހަބާ ވިދާޅުވެފައެވެ.
މި މުބާރާތުގައި ބައިވެރިވި ދިވެހި އެތުލީޓުންވަނީ 100 މީޓަރު ރިލޭގެ ޤައުމީ ރެކޯޑުތައް އައުކޮށްފައެވެ. އޭގެ ތެރޭގައި އަންހެން އަދި ފިރިހެން އެތުލީޓުން ހިމެނެއެވެ.
އިންޑިޔާގެ ޗެންނާއީގައި ކުރިއަށްދިޔަ ހަތަރުވަނަ ސައުތު އޭޝިޔަން ޖޫނިއާ އެތުލެޓިކްސް ޗެމްޕިއަންޝިޕުގައި ރާއްޖެއިން 16 އެތުލީޓުން ވާދަކުރިއެވެ. އެއީ އަށް އަންހެން އެތުލީޓުންނާއި އަށް ފިރިހެން އެތުލީޓުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
