އެމްޑީޕީން މިގޮތަށް ނިންމާފައިވަނީ ވެރިކަންކުރާ ޕީއެންސީއަށް މީހުން ވެއްދުމަށް ސައްހަ ނޫން ފޯމްތަކެއް ފުރާފައިވާ މައްސަލަތަކެއް ފެންމަތިވެފައިވާ ވަނިކޮށެވެ. އަދި ފޯމްތައް ފުރިމުގެ މަސައްކަތް ހޯމް ހޯމް މިނިސްޓްރިގެ މުވައްޒަފުން ކުރަމުން ދިޔައިރު އެތަނުގައި މިނިްސޓަރު އިހްސާން އިންނަވާ ފޮޓޯތަކެއް މިއަދު އާއްމުވެފައި ވަނިކޮށެވެ.
މިނިސްޓަރުގެ އިހްސާންގެ އިތުބާރު ނެތްކަމުގެ މައްސަލަ މަޖިލިހަށް ހުށައަޅަން އިދިކޮޅު އެމްޑީޕީގެ ޕާލިމެންޓަރީ ގްރޫޕުން މިއަދު ވަނީ ފާސްކޮށްފައެވެ.
ފޮޓޯތަކާއި ގުޅިގެން މިނިސްޓަރު އިހްސާން ވިދާވެފައިވަނީ ފޯމްތައް ފުރާ މަންޒަރަކީ މިނިސްޓްރީ ތެރޭގައި ނަގާފައިވާ ފޮޓޯތަކެއް ނޫންކަމަށެވެ. އަދި އެއީ ރަސްމީ ގަޑީގައި ކޮށްފައިވާ މަސައްކަތެއް ނޫންކަމަށްވެސް މިނިސްޓަރު އިހްސާން ވަނީ ވިދާޅުވެފައެވެ.
ޕީއެންސީއަށް މެމްބަރުން އިތުރުކުރުމަށް ހޯމް މިނިސްޓްރީ މުވައްޒަފުން ފޯމް ފުރާތަނުގައި މިނިސްޓަރު އިހްސާން މަޑުކޮށްލައިގެން
ވެރިކަންކުރާ ޕީއެންސީއަށް މެންބަރުން އިތުރުކުރަން އިލެކްޝަން ކޮމިޝަނަށް ފޮނުވާފައިވާ ސައްހަ ނޫން ފޯމު ތަކުގައި ހޯމް މިނިސްޓްރީގެ އިސްވެރިން ސޮއިކޮށްފައިވާތީ އެ މައްސަލާގަައި މިނިސްޓަރު އަލީ އިހްސާނާއި ސުވާލުކުރަން ވެސް އިދިކޮޅ އެމްޑީޕީން ވަނީ މަޖިލިހަށް ހުށައަޅައިފައެވެ.
ވެރިކަން ކުރާ ޕީޕަލްސް ނޭޝަނަލް ކޮންގްރެސް ޕާޓީ (ޕީއެންސީ) އަށް މެމްބަރުން އިތުރުކުރުމަށް ސައްހަ ނޫން ފޯމްތަކެއް ހުށައަޅާފައިވާކަމަށް އެޕާޓިން އިއްޔެ ވަނީ އެއްބަސްވެފައެވެ. އަދި އެ މައްސަލަ ބަލަމުން އަންނަކަމަށްވެސް އެޕާޓީން ވަނީ ބުނެފައެވެ.
ރައްޔިތުން މަޖިލީހުގެ އެމްޑީޕީއަށް ނިސްބަތްވާ ވައިކަރަދޫ ދާއިރާގެ މަޖިލިސް މެމްބަރު ހުސައިން ޒިޔާދު (ފިއްޓޭ) އޭނާއަށް ނޭނގި ވެރިކަން ކުރާ ޕީއެންސީއަށް ވެއްދި މައްސަލައިގައި، އެ ކަމުގައި ޒިންމާވާ ފަރާތްތަކާމެދު ފިޔަވަޅު އަޅާނެކަމަށް އިލެކްޝަންސް ކޮމިޝަންސް (އީސީ) އިންވެސް ވަނީ ބުނެފައެވެ. އަދި މި ނޫންވެސް ބައެއް މީހުންނަށް ނޭނގި އޮޅުވާލައިގެން ޕީއެންސީއަށް ވައްދާފައިވާކަމުގެ މައްސަލަތައް ވަނީ ފެންމަތިވެފައެވެ.
