އެރިޒޯނާގެ އުމުރުން 32 އަހަރުގެ އެންޑީ ނޯޓަން، ފެންވަރަން ހުރެގެން ނޭފަތް ސާފުކުރަމުން ދަނިކޮށް 26 އަހަރު ވަންދެން ނޭފަތުގައި ތާށިވެފައޮ އޮތް ލެގޯ ބައެއް ބޭރުވުމުން އޭނާ ވަނީ ވަރަށް ބޮޑަށް ހައިރާންވެފައެވެ.
އިންސްޓަގްރާމްގައި ކުރި ޕޯސްޓެއްގައި، ނޯޓަން މި ހައިރާންކުރުވަނިވި ހޯދުމުގެ ވާހަކަ ހިއްސާކޮށްފައިވެއެވެ. މި ހާދިސާ ހިނގީ 1990 ގެ އަހަރުތަކުގައި ނޯޓަން އުމުރުން 6 އަހަރުގައެވެ. އޭރު އޭނާގެ މަންމަ އޭނާގެ ނޭފަތުން ލެގޯ ކޮޅު ނެގުމަށް މަސައްކަތް ކުރިއެވެ. ނަމަވެސް، ލެގޯކޮޅު އޭނާގެ ނޭފަތުން ނުކުތީ އޭގެ 26 އަހަރު ފަހުންނެވެ.
ޑޮކްޓަރު ލަފާދިނީ ޝަވަރުގައި ނޭފަތް ސާފުކުރުމަށެވެ. މި ދުވަސްވަރަކީ އޭނާ ދިރިއުޅޭ ސަރަހައްދަށް ހޫނު ސަރަހައްދެއްކަމުން ނޯޓަން ދިޔައީ ކޮންމެ ދުވަހަކުވެސް ހާއްސަ ސަމާލުކަމެއް ދީގެން އޭނާގެ ނޭފަތް ސާފުކުރަމުންނެވެ. ފަހަރެއްގައި ސްޓީމްގެ ސަބަބުން ނޭފަތުގެ ތެރެ ސާފުވެ، ލެގޯ ބައި ނުކުތުމަށް މަގުފަހިވެފައި ވެދާނެކަމަށް ޑޮކްޓަރުން ވަނީ ލަފާދީފައެވެ.
ނޯޓަން ނިއުސްވީކަށް ދިން އިންޓަވިއުއެއްގައި ބުނެފައިވެއެވެ.
