ގަވައިދާ ހިލާފަށް އުޅޭ ބިދޭސީން ހޯދުމަށް މީގެ ދެ މަހެއްހާ ދުވަސްކުރިން އިމިގްރޭޝަނުން ފެށި މަސައްކަތުގައި މިހާތަނަށް ވަނީ ގިނަ އަދަދެއްގެ ބިދޭސީން ހައްޔަރުކޮށްފަ އެވެ.
މީގެ ތެރެއިން ގިނަ މީހުން ހައްޔަރުކޮށްފައިވަނީ ދިވެހިންނަށް ކާން ދިނުމަށް ވިޔަފާރުކުރުމުގެ ހުއްދަ ނެތި ގަވައިދާ ހިލާފަށް އެކި ކަހަލަ ވިޔަފާރިތައް ކުރަމުންދަނިކޮށެވެ. އޭގެތެރޭގައި ދިވެހިން އާއްމުކޮށް ކާން ބޭނުންކުރާ ތަކެތި އުފައްދާ ވިއްކާ މީހުންވެސް ވަނީ ހައްޔަރުކޮށްފަ އެވެ.
މި މީހުން ހައްޔަރުކޮށް އެމީހުން އެތަކތި އުފައްދާ ތަންތަން އިމިގްރޭޝަނުން އާއްމުކުރި އިރު އެ ހުރިހާތަނަކީވެސް މުޑުދާރު ބަދިގެތަކުގައި އެއްޗެއްތި ތައްޔާރުކޮށް ވިއްކަމުން ދިޔަ ތަންތަނެވެ.
- އިތުރަށް ކިޔާލުމަށް: ކުޑަތަންކޮޅެެއްގައި އުޅުނު 18 ބިދޭސީން ހައްޔަރުކޮށްފި
މިދިޔަ ހަފްތާގައި ހެންވޭރު ގާމަގު ކެފޭ ހުންނަ އިމާރާތުގައި ހިނގި އަލިފާނުގެ ހާދިސާއާ ގުޅިގެން ތޮއްޖެހިގެން ކުދި ކުދި ތަންކޮޅުގައި އުޅޭ ބިދޭސީ ހޯދުމަށް އިމިގްރޭޝަނުން ވަނީ އޮޕަރޭޝަނެއްް ފަށާފަ އެވެ. މި އޮޕަރޭޝަންގައި އިއްޔެވެސް ވަނީ މާލޭގެ 5 ތަނެއް ބަލާ ފާސްކޮށް ފަސް ބިދޭސީން ވަނީ ހައްޔަރުކޮށްފަ އެވެ.
ތޮއްޖެހިގެން އުޅޭ ބިދޭސީން ހޯދުމަށް ހިންގާ އޮޕަރޭޝަން
ތޮއްޖެހިގެން އުޅޭ ބިދޭސީން ހޯދުމަށް މިމަހުގެ11 ވަނަ ދުވަހު ފެށީ މި އޮޕަރޭޝަންގައި މީހާތަނަށް 36 ބިދޭސީއަކު ވަނީ ހައްޔަރުކޮށްފަ އެވެ.
މި ސަރުކާރުން ވެރިކަމާ ހަވާލުވުމަށްފަހު، ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރަން ހާއްސަ އޮޕަރޭޝަނެއް ފަށައި ގިނަ ބަޔަކު ވަނީ އަތުލައިގެންފަ އެވެ.
