ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއިން ބުނީ މި އުސޫލް އެކުލަވާލަނީ ރައީސް އޮފީހުން ފޮނުވި ސިޓީއަކާއި ގުޅިގެންކަމަށެެވެ.
މިކަމާއި ގުޅޭ މަޝްވަރާތައް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއިން ވަނީ ފަށާފައެވެ. މި މަޝްވަރާތަކުގައި ޓުއަރިޒަމް މިނިސްޓްރީއާ، އިސްލާމިކް މިނިސްޓްރީއާ، މޯލްޑިވްސް ޕޮލިސް ސާވިސް ބައިވެރިވާކަމަށް އެ ވުޒާރާއިން ބުނެއެވެ.
މީހުން ދިރިއުޅޭ ރަށްރަށުގައި ޓްއަރިސްޓުން އުޅޭނެ ގޮތުގެ އުސޫލެއް އެކުލާލުމުގެ މަސައްކަތް ކުރަން 4 މުއައްސަސާ ހިމެނޭ ގޮތަށް ކުޑަ ކޮމެޓީއެއް އުފައްދާފައިވާކަމަށް ސިޓީތަކާއި އިދާރީ ދާއިރާތައް ހިންގުމާއި ބެހޭ ވުޒާރާއިން ބުނެއެވެ. މި ކޮމެޓީގައި ޓުއަރިޒަމް މިނިސްޓްރީން އިސްލާމިކް މިނިސްޓްރީގެ އިތުރުން މޯލްޑިވްސް ޕޮލިސް ސާވިސް އިން ކޮންމެ މުައްސަސާއަކުން 2 މީހުން ހިމެނޭކަމަށް ސިޓީތަކާއި ބެހޭ ވުޒާރާއިން ބުނެފިއެވެ.
