މި ދަތުރުފުޅަކީ ކުވެއިތާއި ދިވެހިރާއްޖެއާ ދެމެދު އޮންނަ ގުޅުން އިތުރަށް ބަދަހިކުރުމަށް ކުރެވޭ މަސައްކަތުގެ ތެރެއިން ކުރެވުނު ދަތުރެކެވެ. އަދި މި ދަތުރުފުޅުގައި ރާއްޖޭގެ ކުދި ރަށްރަށުގެ ހޮސްޕިޓަލްތައް ތަރައްޤީކުރުމަށް ދޭ ލޯނު އެއްބަސްވުމުގައި ސޮއިކުރެވުކަމަށް ކުވައިތު ނޫސްތަކުން ރިޕޯޓުކުރެ އެވެ.
ވެލާނާ އެއާޕޯޓް ތަރައްގީކުރުމުގެ މަޝްރޫއަށް ކުވައިތުން އެހީތެރިވުމުގެ މަގްސަދަކީ ރާއްޖޭގެ އިގްތިސާދީ އަދި އިޖްތިމާޢީ ތަރައްގޫއަށް އެހީތެރިވުމެވެ. މި މަޝްރޫއުގެ ދަށުން އެއާޕޯޓުގެ ވަސީލަތްތައް ތަރައްގީކޮށް، މުސްތަގުބަލުގައި އިތުރުވާނެކަމަށް ލަފާކުރެވޭ ފަސިންޖަރުންނާއި މުދާ އުފުލުމުގެ ހިދުމަތްތަކަށް ތައްޔާރުވުމަށް ކުރެވޭ މަސައްކަތްތަކަށް ކުވައިތުން އެހީތެރިކަން ފޯރުކޮށްދޭނެ އެވެ.
މި މަސްރޫޢުއަށް ކުވައިތު ފަންޑުގެ އިތުރުން ސައުދީ ފަންޑު ފޯ ޑިވެލޮޕްމަންޓް، އަބޫދާބީ ފަންޑު ފޯ ޑިވެލޮޕްމަންޓް، އަދި އޯޕެކް ފަންޑު ފޯ އިންޓަރނޭޝަނަލް ޑިވެލޮޕްމަންޓުން ވެސް އެހީތެރިކަން ފޯރުކޮށްދެއެވެ. އަދި ދިވެހި ސަރުކާރުންވެސް މި މަޝްރޫއުއަށް ހިއްސާވެ އެވެ.
ކުވައިތު ފަންޑުން ރާއްޖެއަށް ފުރަތަމަ ލޯނު ދީފައިވަނީ 1976 ވަނަ އަހަރު އެވެ. އޭގެފަހުން މިހާތަނަށް 14 އަށްވުރެ ގިނަ ތަރައްގީގެ މަޝްރޫއުތަކަށް އެހީތެރިވެދީފައިވެ އެވެ. މީގެ ތެރޭގައި ބަނދަރުތައް ތަރައްގީކުރުމާއި، ސުނާމީގައި ގެއްލުންވި އަސާސީ ވަސީލަތްތައް އަލުން ގާއިމުކުރުމާއި، ބޯފެނާއި ނަރުދަމާގެ ނިޒާމު ގާއިމުކުރުން ފަދަ މަޝްރޫއުތައް ހިމެނެ އެވެ.
