ފުލުހުން މިރޭ ނެރުނު އެންގުމެެއްގައި ރަޖިސްޓްރީ ނުކޮށް ދުއްވާ އުޅަނދުތަކާއި މާލޭ ޒޯން ފިޔަވާ އެހެނިހެން ޒޯންތަކުގައި ރަޖިސްޓްރީކޮށްގެން މާލޭ ސަރަހައްދުގައި ދުއްވަމުން ގެންދާ އުޅަނދުތައް ގާނޫނާއި ގަވައިދުތަަކަށް ފެއްތުމަށް ފުރުސަތު ދިނުމުގެ މަސައްކަތް ފަށާފައިވާކަމަށެވެ.
ފުލުހުން ބުނީ މި މަޝސައްކަތުގެ ދަށުން ހުޅުމާލޭ ފޭސް ދޭއްގައި ވަގުތީ ގޮތުން ކަނޑައަޅާފައިވާ ސަރަހައްދަށް އެ އެޅަނދުތައް ގެންދިޔުމަށް އަންގާ ސްޓިކާ ޖަހަން ފަށާފައިވާކަމަށެވެެ. އަދި ސްޓިކާ ހަރުކޮށްްފައިވާ އުޅަނދުތައް އޭގެ ވެރިފަރާތްތަކުން އެ ސްޓިކާގައިވާ ގަޑި ހަމަވުމުގެ ކުރިން އުޅަނދު ނެގުމަށްވެސް ފުލުހުން ވަނީ އަންގާފައެވެ.
މާލޭ ސަރަހައްދުގައި ނުގަވައިދުން ހުންނަ ވެހިކަލްތައް ގަވައިދަށް ފެއްތެން ދެން ވަގުތީ ގޮތުން ޕާކުކުރުމަށް ހުޅުމާލެއިން ބިމެއް ހަމަޖައްސާ އެ ބިމަށް ވީ އެންމެ އަވަހަކަށް ގެންދިޔުމަށް ޓްރާންސްޕޯޓުން ވަނީ އަންގާފައެވެ.
އެ ބިމުގައި އެންމެ ގިނަ ދުވަހަށް އުޅަނދެއް ބޭއްވޭނީ ހަ މަސް ދުވަސްވަންދެންކަމަށް ޓްރާންސްޕޯޓް މިނިސްޓްރީން ވަނީ ބުނެފައެވެ.
