"ފަލަސްތީން 2"ގެ ނަމުގައި ޔަމަނުގެ ހަނގުރާމަވެރި ޖަމާއަތް ކަމަށް ވާ ހޫތީން އުފެއްދި މި މިސައިލަކީ ފަލަސްތީނުގެ ރައްޔިތުންގެ ހިމާޔަތުގައި ކުރާ ހަނގުރާމައެއްކަން މުޅި ދުނިޔެއަށް ދައްކުވައި ދިނުމަށް އެކަމުގެ ރަމްޒެއްގެ ގޮތުގައި ތައްޔާރުކުރި މިސައިލެއްކަމަށް ހޫތީން ބުނެ އެވެ.
އަދި ފަލަސްތީނަށް ހާއްސަކޮށް އިތުރު ހަތިޔާރުތަކެއް ވެސް އުފެއްދުމަށް މަސައްކަތް ކުރަމުން އަންނަ ކަމަށާއި މިހާރު އުފައްދާފައިވާ އެ މިސައިލް އަކީ އެއީ އާންމުކޮށް މިހާރު މި ބޭނުން ކުރާ މިސައިލްތަކަށް ވުރެ، އެތައް ގުނައެއްގެ އެޑްވާންސް، ދިގު ރާސްތާ މިސައިލްތަކެއް ކަމަށް ވެސް ކޮމާންޑަރ ވިދަޅުވި އެވެ.
ހޫތީން ބުނީ ޔަހޫދީން ދައުލަތް ތަކާއި ދެކޮޅަށް ކުރާ ހަނގުރާމަ ނިމުމަކަށް ނާންނާނޭ ކަމަށާއި އެ ހަނގުރާމަ ހުއްޓާލާނީ ޔަހޫދީން ފަލަސްތީނުގައި ހިންގާ ގަތުލުއާންމުތަކަށް ނިމުން ގެނެސްފައި ކަމަށެވެ.
ހޫތީން ހަނގުރާމަވެރިން އަންނަނީ ރައްކަނޑުގައި ވެސް އަތްގަދަކޮށް، އެ ސަރަހައްދުން ދަތުރުކުރަމުން އަންނަ ޔަހޫދީ ދައުލަތްތަކަށް ނިސްބަތްވާ ބޯޓުތަކަށް ވެސް މަހަލާތައް ދެމުންނެވެ. އެގޮތުން ރަތްކަނޑުން ދަތުރު ކުރި، ޔަހޫދީންނަށް ވާގިވެރިވާ ގައުމުތަކަށް ނިސްބަތްވާ 70 އަށް ވުރެ ގިނަ ބޯޓަށް ހޫތީން ވަނީ ހަމަލާތައް އަމާޒުކޮށްފަ އެވެ.
