ރައީސް މުއިއްޒު މިއަދު އެކްސްއަށް ދޫކޮށްލެވި ވީޑިއޯގައި ވިދާޅުވީ 20 އަހަރުގެ ގައުމީ ތަރައްގީގެ ޕްލޭންގެ މަސައްކަތް ކުރިއަށްގެންދާނެ ގޮތުގެ ނިންމުން އިއްޔެ ކެބިނެޓުން ނިންމައިފައިވާ ކަމަށެވެ. އަދި އެ ޕްލޭންގެ މަސައްކަތް ކުރިއަށްގެންދާނީ ރައްޔިތުންގެ ފުރިހަމަ ބައިވެރިވުން ހިމެނޭ ގޮތަށްކަން ރައީސް ފާހަގަކުރެއްވިއެވރ. އެގޮތުން ހުރިހާ ސިޔާސީ ޕާޓީތަކާއި ޖަމިއްޔާ ޖަމާއަތްތަކާއި އެކިއެކި ސްޓޭކްހޯލްޑަރުންނާއި މާހިރުންގެ މަޝްވަރާ ހޯއްދަވާނެކަމަށް ރައީސް ޑރ. މުއިއްޒު ވިދާޅުވިއެވެ.
ކުރިއަށް އޮތް 1 އަހަރުގެ ތެރޭގައި މި ޕްލޭން އެކުލަވާލަން ނިންމާފައިވާއިރު މި ޕްލޭނަށް ޤާނޫނީ ބާރުވެރިކަން ވެސް ލިބޭގޮތަށްކަމުގައި ރައީސުލްޖުމްހޫރިއްޔާ ވިދާޅުވިއެވެ.
ރައީސް ވިދާޅުވީ މި ޕޭލޭނާއި ގުޅޭ މަޝްވަރާތައް ހުރިހާ ރަށެއްގައި ކުރިއަށްގެންދާނެ ކަމަށެވެ.
މީި ޕްލޭންގެ މަސައްކަތުގައި އެކި ދާއިރާތަކުން ބޭރުގެ މާހިރުން ވެސް ބައިވެރިވާނެ ކަމަށްވެސް ރައީސް ވިދާޅުވިއެވެ. އެގޮތުން އިގުތިސާދީ ދާއިރާ، އިޖުތިމާއީ ދާއިރާ، އަދި ގަވަނަންސްގެ ދާއިރާއިން، ސްޕޭޝަލް ޕްލޭނިން ދާއިރާއިން، އާބަން ޑިވޮލަޕްމެންޓް ދާއިރާއިން، ރާއްޖެއިން ބޭރުންގެ މާގހިރުން މިކަމުގައި ބައިވެރިވާނެކަމަށްވެސް ރައީސް ވިދާޅުވިއެވެ.
