އެ ކުންފުނިން މި ރުށްތައް އިންދާފައިވަނީ އދ. ފެންފުށީގައި އެވެ.
ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވީ މި މަސައްކަތަކީ ރައީސް ޑރ. މުއިއްޒު ފައްޓަވައިދެއްވާފައިވާ "5 އަހަރުން 5 މިލިއަން ގަސް" އިންދުމުގެ މަޝްރޫއުގެ ތެރެއިން ކުރެވުނު މުހިއްމުކަމެއްކަމަށެވެ. އަދި މިކަމުގައި އދ. ފެންފުށީގެ ކައުންސިލުން ދިން އެއްބާރުލުމަށް ފަހުމީ ވަނީ ޝުކުރު އަދާކުރައްވާފަ އެވެ.
ސެޓެލްކޯއިން ފެންފުށީގައި ރުއް އިންދުމުގެ ތެރެއިން
ފަސް އަހަރުތެރޭ ސްޓެލްކޯ އިން 500،000 ގަސް އިންދުމަށް ނިންމާ ކުރަމުންދާ މަސައްކަތުގެ ތެރެއިން މިދިޔަ އޮގަސްޓްމަހުގެ ނިޔަލަށް 30،371 ގިނަ ގަސް އިންދާފައެވެ. އެކުންފުނިން ބުނީ ކުރިއަށް އޮތް ތަނުގައި ކޮންމެ މަހަކުވެސް އެ ކުންފުނިން ހިދުމަތްދޭ ރަށްރަށުގައި ގަސް އިންދުމުގެ ހަރަކާތް ކުރިއަށް ގެންދާނެ ކަމަށެވެ.
ފަސް މިލިއަން ގަސް އިންދުމުގެ ޕްރޮގްރާމް ރައީސް ޑރ. މުއިއްޒު އިއުލާންކުރެއްވީ، މިދިޔަ ޑިސެމްބަރު މަހު ދުބާއީގައި ބޭއްވި "ކޮޕް28"ގައި ދެއްވި ތަގުރީރުގަ އެވެ.
މި ޕްރޮގްރާމްގައި އިސްކަންދެނީ ރާއްޖެއިން ނެތިގެން ހިނގައިދާނެ ކަމުގެ ބިރުހީވެފައިވާ ގަސްތައް އިންދުމަށެވެ.
