މިއީ ކޮންމެ އަހަރަކު ދެފަހަރު ހުޅުވާލާ ޔުނިވާސިޓީ ރިސާޗް ގްރާންޓްސްއާއި ޔުނިވާސިޓީ ބުކް ރައިޓިން ގްރާންޓްސްގެ ދެ ވަނަ ބުރެވެ.
އެމްއެންޔޫއިން މަޢުލޫމާތު ދެއްވިގޮތުގައި، މި ގްރާންޓްތަކުގެ މަގްސަދަކީ އެ ޔުނިވާސިޓީގެ މުވައްޒަފުންނާއި ދަރިވަރުންގެ މެދުގައި ދިރާސާކުރުމުގެ ސަގާފަތެއް އާލާކުރުމާއި، އެކި ދާއިރާތަކާ ގުޅޭ އިލްމީ ފޮތްތައް ލިޔުމަށް ހިތްވަރުދިނުމެވެ.
ފޮތް ލިޔުމަށް 10،000 ރުފިޔާއާއި 100،000 ރުފިޔާއާ ދެމެދުގެ އަދަދަކުން އެހީ ދޭއިރު، ދިރާސާތައް ކުރުމަށް 10،000 ރުފިޔާއާއި އެއް މިލިއަން ރުފިޔާއާ ދެމެދުގެ އަދަދަކުން އެހީ ދެވޭނެއެވެ. މި އެހީތަކަށް އެދި ހުށަހެޅުމުގެ ސުންގަޑިއަކީ މިއަހަރުގެ ނޮވެންބަ ރުމަހުގެ 9 ވަނަ ދުވަހެވެ.
އެމްއެންޔޫއިން މިހާތަނަށް ފޮތް ލިޔުމަށާއި ދިރާސާތައް ހެދުމަށް ޖުމްލަ 18 މިލިއަނަށްވުރެ ގިނަ ރުފިޔާ ދޫކޮށްފައިވެއެވެ. އެމްއެންޔޫއިން ހާމަކުރި ގޮތުގައި، މިހާތަނަށް ފޮތް ލިޔުމަށާއި ދިރާސާތައް ހެދުމަށް ޖުމްލަ 18 މިލިއަނަށްވުރެ ގިނަ ރުފިޔާ ދޫކޮށްފައިވެއެވެ. މީގެ ތެރެއިން ފޮތް ލިޔުމަށް ދެ މިލިއަނަށްވުރެ ގިނަ ރުފިޔާ ދީފައިވާއިރު، ދިރާސާ ކުރުމަށް 16.4 މިލިއަނަށްވުރެ ގިނަ ރުފިޔާ ދޫކޮށްފައިވެއެވެ.
އެމްއެންޔޫއިން އިތުރަށް ފާހަގަކުރި ގޮތުގައި، މި އެހީތަކުގެ ސަބަބުން ހޯދޭ އިލްމީ އާ ހޯދުންތައް ކަމާ ގުޅުންހުރި އިދާރާތަކާއި، އަމިއްލަ ފަރާތްތަކާއި މުޖުތަމައުއާ ހިއްސާކުރެވެއެވެ. މިކަމުން އެހީތަކުގެ މަޤްޞަދު ހާސިލުވަމުންދާކަން އެ ޔުނިވާސިޓީން ފާހަގަކޮށްފައިވެއެވެ.
