ޕްރޮސިކިއުޓާ ޖެނެރަލް ޖަސްޓިސް (ރިޓަޔަރޑް) އަލްއުސްތާޛް ޢައްބާސް ޝަރީފު، އެންޓި ކޮރަޕްޝަން ކޮމިޝަންގެ ރައީސް އަލްއުސްތާޒް އާދަމް ޝާމިލް
ކޮރަޕްޝަން މައްސަލަތައް އަވަސްކުރުމަށް ޕީޖީ އާއި އޭސީސީ އެއްބަސްވެއްޖެ
ގުފްތަގް އަޖީރު
23 ސެޕްޓެމްބަރ 2024 - 17:46:52
ޕްރޮސިކިއުޓާ ޖެނެރަލް ޖަސްޓިސް، ރިޓަޔަރޑް އައްބާސް ޝަރީފު، އެންޓި ކޮރަޕްޝަން ކޮމިޝަންގެ ރައީސް އާދަމް ޝާމިލްއާ މިއަދު ބައްދަލުކުރައްވައިފިއެވެ.
Advertisement
އޭސީސީގެ އޮފީހުގައި ބޭއްވުނު މި ބައްދަލުވުމުގައި ކޮރަޕްޝަން މައްސަލަތައް އަވަސްކުރުމާއި ދެ މުއައްސަސާގެ އެއްބާރުލުން އިތުރުކުރުމަށް އެއްބަސްވެ ލައްވާފައިކަމަށް ޕީޖީ އޮފީހުން ބުނެއެވެ.
ބައްދަލުވުމުގެ މުހިންމު ނުކުތާތައް:
- ޕްރޮސިކިއުޓަރ ޖެނެރަލް ވަނީ ކޮރަޕްޝަން ނައްތާލުމަށް އޭސީސީން ކުރާ މަސައްކަތަށް ފުރިހަމަ އެއްބާރުލުން ދޭނެކަމަށް ވިދާޅުވެފައެވެ.
- ކޮރަޕްޝަން މައްސަލަތަކުގެ ތަހުގީގުތައް ހަރުދަނާކުރުމަށް ޕްރޮސިކިއުޓަރުންގެ އިތުރު އެހީތެރިކަން ފޯރުކޮށްދޭނެކަމަށް ޕީޖީ ވިދާޅުވިއެވެ.
- ކޮރަޕްޝަން މައްސަލަތަކުގެ ތަހުގީގުތައް އަވަސްކުރުމަށް ޕްރޮސިކިއުޓާ ޖެނެރަލް ބާރުއަޅުއްވާފައިވެއެވެ.
މިއަހަރުގެ މިހާތަނަށް އޭސީސީން ތަހުގީގުކޮށް ހުށަހެޅި 5 މައްސަލައެއްގައި ދައުވާކުރުމަށް ކޯޓަށް ހުށަހަޅާފައިވާއިރު، 11 މައްސަލައެއް ޕްރޮސިކިއުޓާ ޖެނެރަލްގެ އޮފީހުގެ މަޝްވަރާއަށް ހުށަހަޅާފައިވެއެވެ.
ޕްރޮސިކިއުޓާ ޖެނެރަލް މަގާމާ ހަވާލުވުމަށްފަހު، ޖިނާއީ ޢަދުލުގެ ނިޒާމުގައި މަސައްކަތްކުރާ އެހެން އިދާރާތަކުގެ ވެރިންނާ ވެސް އައްބާސް ވަނީ ބައްދަލު ކުރައްވާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
