މިނިވަން މުވައްސަސާ ކޮމެޓީގައި އީސީގެ މެމްބަރުން ވާހަކަދައްކަވަނީ
ނޭނގި ޕާޓީއަކަށް ވައްދާފައިވާނަމަ، އަނބުރާ ކުރީގެ ޕާޓީއަށް ވެއްދޭނެ: އީސީ
ގުފްތަގް އަޖީރު
23 ސެޕްޓެމްބަރ 2024 - 17:57:13
އިލެކްޝަންސް ކޮމިޝަނުން (އީސީ) މިއަދު ސިޔާސީ ޕާޓީތަކުގެ ގަވާއިދަށް ގެނައި އިސްލާހުތަކާއެކު، ނޭނގި އެހެން ޕާޓީއަކަށް ބަދަލުކޮށްފައިވާ މީހުންނަށް އަނބުރާ ކުރީގެ ޕާޓީއަށް ބަދަލުވުމުގެ މަގު ފަހިވެއްޖެއެވެ.
Advertisement
މި އިސްލާހުގެ ދަށުން، މީހަކު ކުރިން ހުރި ޕާޓީއަށް ނޭނގި އެހެން ޕާޓީއަކަށް ބަދަލުކޮށްފައިވާނަމަ، އީސީން ކަނޑައަޅާ ނިޒާމުގެ ތެރެއިން ހުށަހެޅުމުން، ނޭނގި ރަޖިސްޓްރީކޮށްފައި އޮތް ޕާޓީން ވަގުތުން ވަކިކޮށް، ކުރިން ހުރި ޕާޓީއަށް އަލުން ވައްދައިދެވޭނެއެވެ.
މީގެ ކުރިން، މި ފަދަ މައްސަލަތައް ހުށަހަޅަންޖެހެނީ ވަކި ހާއްސަ ފޯމަކުންނެވެ. އަދި އެއީ ތެދު ޝަކުވާއެއްކަން ފެނިއްޖެނަމަ، އެ ޕާޓީއަކުން އެ މީހަކު ވަކިކޮށްދޭންޖެހެއެވެ.
ނޭންގި ސިޔާސީ ޕާޓީތަކަށް ވެއްދުމުގެ މައްސަލަތައް އިތުރުވަމުން ދިއުމާއެކު، މި ފަހުން ވަނީ މިފަދަ މައްސަލައެއްގައި ފުރަތަމަ ފަހަރަށް ދައުވާ ވެސް ކޮށްފައެވެ.
މި އިސްލާހުތަކާއެކު، ސިޔާސީ ޕާޓީތަކުގެ މެންބަރުންނަށް އިތުރު ފަސޭހަތަކެއް ލިބި، ޕާޓީތަކުގެ މެންބަރުޝިޕާ ގުޅޭ ގަވާއިދުތައް އިތުރަށް ހަރުދަނާވެގެންދާނެ ކަމަށް ބެލެވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
