އެ މިނިސްޓްރީން ބުނީ މި ބަދަލު ގެންނަނީ ތާޑް ޕާޓީ އިންޝުއަރެންސް ކުރުމާއި އިންޝުއަރެންސުން ބަދަލު ލިބިދޭ އުސޫލުތައް ހަރުދަނާ ކުރުމަށް އަޅަމުންދާ ފިޔަވަޅުތަކުގެ ތެރެއިން ކަމަށެވެ.
މި ފިޔަވޅުތަކުގެ ދަށުން ގެންނަ ބަދަލުތަކުގެ ތެރޭގައި އިންޝުއަރެންސް ކަވަރޭޖާއި ނުލައި އުޅަނދު ރަޖިސްޓްރީ ނުކުރެވޭނެގޮތަށް ހެދުން ހިމެނެއެވެ. އަދި އިންޝުއަރެންސް ނުކުރާ އުޅަނދުފަހަރަށް މިނިސްޓްރީން އެއްވެސް ހިދުމަތެއް ނުލިބޭގޮތަށްވެސް ބަދަލުކުރާނެއެވެ.
މި ގެންނަ ބަދަލުތަކާއި އެކު އިންޝުއަރެންސް ކުންފުނިތަކުގެ އިންޝުއަރެންސް ޕޮލިސީތަކަށްވެސް ބަދަލުތަކެއް އަންނާނެކަމަށް ޓްރާންސްޕޯޓް މިނިސްޓްރީން ބުނެއެވެ. އަލަށް ގެންނަ ބަދަލާއި އެކު އިންޝުއަރެންސް ކަވަރަވަރޭޖުގެ މިންވަރު އިތުރުވެގެންދާނެ އެ މިނިސްޓްރީން ބުނެއެވެ.
މި ބަދަލުތަކުގެ ބޭނުމަކީ އެކްސިޑެންޓްތަކުގައި ގެއްލުންވާ ފަރާތްތަކަށް އެކަށީގެންވާ ބަދަލު ހޯދާދިނުންކަމަށްވެސް މިނިސްޓްރީން ބުނެއެވެ. މީގެއިތުރުން ރަޖިސްޓްރީކޮށްފައިވާ އުޅަނދުތަކާއި އުޅަނދު ދުއްވާ ފަރާތްތަކަށް ސަލާމަތާއި ރައްކާތެރިކަން އިތުރުވެގެންދާނެކަމަށްވެސް މިނިސްޓްރީން ބުނެއެވެ.
