އިމިގްރޭޝަނުން ބުނީ މިދިޔަ އަންގާރަ ދުވަހާއި ބުދަދުވަހު އެ އިދާރާގެ ޓާސްކު ފޯސް އިން ހުޅުމާލޭގެ ފޭސް އެކެއްގައި ހިންގަމުންދާ 06 ކެފޭ ހޮޓާ ބަލައި ފާސްކޮށްފައިވާކަމަށެވެ.
އަދި މި ތަންތަނުގައި ގަވައިދާ ހިލާފަށް އުޅެމުން ދިޔަ 16 ބިދޭސީއަކު ހައްޔަރުކޮށްފައިވާކަމަށެވެ. އަދި ނަގަންޖެހޭ ބައެއް ހުއްދަތައް ނުނަގާ ހިންގަމުންދިޔަ 03 ކެފޭއަކަށް ނޯޓިސް ދީ ބަންދުކޮށްފައިވާކަމަށް އިމިގްރޭޝަނުން ބުނެއެވެ.
ގަވައިދާ ހިލާފަށް އުޅޭ ބިދޭސީން ހޯދާ އެމީހުން ފޮނުވާލަން ކުރާ މަސައްކަތުގެ ދަށުން ފާއިތުވި 10 މަސް ތެރޭގައި 4054 ބިދޭސީއަކު ޑީޕޯޓްކޮށްފައިވާކަމަށް އިމިގްރޭޝަނުން ވަނީ ބުނެފައެވެ.
އިމިގްރޭޝަނުން އާއްމުކޮށްފައިވާ ހިސާބުތަކުން ދައްކާގޮތުން އެންމެ ގިނަ ބިދޭސީން ޑީޕޯޓްކޮށްފައިވަނީ މިދިޔަ ޖުލައި މަހުގެ ެއެވެ. އެމަހު 690 ބިދޭސީން ވަނީ ޑީޕޯޓްކޮށްފައެވެ. މމި ސަރުކާރުން ވެރިކަމާއި ހަވާލުވި ނޮވެމްބަރު މަހު 90 ބިދޭސީން ފޮނުވާލިކަމަށް އިމިގްރޭޝަން ތަފާސް ހިސާބުތަކުން ދައްކައެވެ.
