ޓްއަރިޒަމް މިނިސްޓަރު ފައިސަލް މިހެން ވިދާޅުވީ މިއަދު ފާހަގަކުރާ ދުނިޔޭގެ ޓޫރިޒަމް ދުވަހުގެ މުނާސަބާތުގައި ދެއްވި ހިތާބުގައެވެ.
މިނިސްޓަރު ވިދާޅުވީ ދުނިޔޭގެ ލީޑްކުރާ ޓޫރިޒަމް މަންޒިލެއްގެ ގޮތުގައި މިއަދު ރާއްޖެ އޮތްނަމަވެސް އެ ގޮތުގައި ދެމިތިބުމަށް ގޮންޖެހުންތަކެެއް ހުރިކަމަށެވެ.
ދުނިޔޭގެ ގައުމުތަކުން ރާއްޖޭގެ ޓޫރިޒަމް ކޮޕީކުރަމުން ދިޔުމަކީ ރާއްޖޭގެ ޓޫރިޒަމް ބަލައިގަނެފައިވާކަން ދޭހަކޮށްދޭ ކަމެއްކަން ފާހަގަކުރަމުން މިނިސްޓަރު ފައިސަލް ވިދާޅުވީ އެފަދަ މަޝްރޫއުތަކުން ރާއްޖަށް ގޮންޖެހުން އެބަހުރިކަމަށެވެ.
އެގޮތުން ސައުދީގެ ރެޑް ސީ ޕްރޮޖެކްޓަކީ ވެސް ގޮންޖެހުމެއް ކަމަށް ފައިސަލް ވިދާޅުވިއެވެ. އެހެންނަމަވެސް އެ މަޝްރޫއުގައިވެސް ދިވެހިން އުޅޭކަން އުފަލެއްގެ ގޮތުގައި ފާހަގަކުރައްވަމުން މިނިސްޓަރު ވިދާޅުވީ އެއިންވެސް ދައްކައިދެނީ ދިވެހީން ކުރި ހޯދާފައިވާ މިންވަރުކަމަށެވެ.
ފައިސަލް ވަނީ ޓްއަރިޒަމް ފުޅާކުރަން ސަރުކާރުން ކުރަމުން އަންނަ މަސައްކަތްތަކަށްވެސް ބައްލަވާލައްވާފައެވެ. އެ ގޮތުން އޮކިއުޕަންސީ އިތުރުކުރުމާއި ފަތުރުވެރިން ރާއްޖެ އައިސް ހޭދަކުރާ ފައިސާގެ ނިސްބަތް އިތުރުކުރުން މަސައްކަތް ކުރަމުން އަންނަކަމަށް ފައިސަލް ވިދާޅުވިއެވެ.
މިއަހަރު ރާއްޖެއަށް ދެ މިލިއަން ފަތުރުވެރިން ގެނައުމަކީ ސަރުކާރުގެ އަމާޒަކެވެ. މިމަހުގެ މިހާތަނަށް 1.5 މިލިއަން ޓޫރިސްޓުން ވަނީ ރާއްޖެ ެައައިސްފައެވެ.
