ކުރިންވެސް ފޭރުމުގެ މައްސަލައެއްގައި ހުކުމެއްވެސް އިއްވާފައިވާ މި އަންހެން މީހާއަކީ ހ. ޗިލްކާލޭކް ފާތިމަތު އިޝާމާއެވެ. ހުއްދަ ނޫންތަނަކަށް ވަނުމާއި ފޭރުމުގެ ތުހުމަތުގައި މި އަންހެން މީހާ ހައްޔަރުކޮށް ކޯޓަށް ހާޒިރު ކުރުމުން ހަތް ދުވަހަށްވަނީ މުއްދަތު ޖަހާފަ އެވެ.
މި އަންހެން މީހާގެ ބަންދު އަމުރުން އެނގޭ ގޮތުގައި އެ މީހާވަނީ އޭނާގެ މައްޗަށް ކުރެވޭ ތުހުމަތުތަކަށް އިންކާރުކޮށްފަ އެވެ. އޭނާގެ މައްޗަށް ކުރެވޭ ތުހުމަތުތަކުގެ ތެރޭގައި ތޫނު އެއްޗެއް ގެންގުޅުންވެސް ހިމެނެ އެވެ.
ފޭރުމުގެ މައްސަލައެއްގައި މި އަންހެން މީހާ ހައްޔަރުކޮށްފައިވާއިރު، ކުރިންވެސް އޭނާގެ މައްޗަށް ފޭރުމުގެ މައްސަލައެއްގެ ކުށް ސާބިތުވެ ހުކުމެއްކޮށްފައިވާކަން ރެކޯޑްތަކުން ދައްކައެވެ.
މާލެ ސަރަހައްދުގައި މިހާރު ފޭރުމުގެ މައްސަލަތައް އިތުރުވެފައިވާއިރު، މި ފަދަ މައްސަލަތަކުގައި އަންހެނުންގެ ބައިވެރިވުންވެސް އިތުރުވެފައިވެ އެވެ.
